• പള്ളിപ്പാട് നടുവട്ടം വി.എച്ച്.എസ്.എസിലെ എൻ.എസ്.എസ്. യൂണിറ്റ് നടത്തിയ ജീവിതശൈലീ രോഗനിർണയ ക്യാമ്പിൽനിന്ന് (ഫയൽചിത്രം)
ഹരിപ്പാട് : ജില്ലയിലെ മികച്ച എൻ.എസ്.എസ്. യൂണിറ്റിനുള്ള പുരസ്‌കാരം നടുവട്ടം വി.എച്ച്.എസ്.എസിനു ലഭിച്ചു. തുടർച്ചയായ രണ്ടാംവർഷമാണ് സ്‌കൂളിലെ എൻ.എസ്.എസ്. യൂണിറ്റിന് ഈ അംഗീകാരം ലഭിക്കുന്നത്.
അശരണരുടെ കണ്ണീരൊപ്പാനുള്ള പ്രവർത്തനങ്ങളാണ് ഇവർ വിജയകരമായി നടപ്പാക്കുന്നത്. പള്ളിപ്പാട് ഗ്രാമപ്പഞ്ചായത്തിലെ സാന്ത്വനപരിചരണ യൂണിറ്റിന് വീൽച്ചെയർ കൈമാറിയിരുന്നു. വിശപ്പുരഹിത ഹരിപ്പാട് പദ്ധതിയുമായി കുട്ടികൾ സഹകരിച്ചു. ഉച്ചഭക്ഷണ പൊതികൾ നൽകിയതിനൊപ്പം പദ്ധതിക്കായി പ്രചാരണവും നടത്തി.
സാമ്പത്തികബുദ്ധിമുട്ടുള്ളവർക്ക് വീട് നിർമിക്കാൻ സഹായം, വസ്ത്രവിതരണം, രക്തദാനക്യാമ്പുകൾ, ദന്തരോഗനിർണയ ക്യാമ്പ്, ജീവിതശൈലീ രോഗനിർണയം തുടങ്ങിയ നിരവധി സേവനപ്രവർത്തനങ്ങളാണ് ഇവർ നടത്തിയത്.
ലഹരിവിരുദ്ധപ്രവർത്തനങ്ങൾക്ക് എൻ.എസ്.എസ്. യൂണിറ്റ് കൂടുതൽ ശ്രദ്ധിക്കുന്നു. പള്ളിക്കൂടത്തിലും കുട്ടികളുടെ വീടുകളിലും ഇതിനായി ബോധവത്കരണം നടത്തുന്നുണ്ട്. മൂന്നുവർഷമായി എൻ.എസ്.എസ്. യൂണിറ്റിനു നേതൃത്വംനൽകുന്നത് പ്രോഗ്രാം ഓഫീസർ എൽസി മത്തായിയാണ്.
.jpg?$p=061f60f&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..