ഹരിപ്പാട് : തമിഴ്‌നാട്ടിലെ കുറ്റാലത്തുനടന്ന ദേശീയ സബ് ജൂനിയർ ഭാരോദ്വഹനമത്സരത്തിൽ മൂന്ന് ദേശീയ റെക്കോഡുകളോടെ ഹരിപ്പാട് സ്വദേശി വി. അമേയ പൊന്നണിഞ്ഞു. 84-ൽ കൂടുതൽ ഭാരമുള്ളവരുടെ വിഭാഗത്തിൽ ആകെ 475 കിലോഗ്രാം ഉയർത്തിയാണ് റെക്കോഡിട്ടത്.
സ്ക്വോട്ട്, ബെഞ്ച് പ്രസ്, ഡെഡ്‌ ലിഫ്റ്റ് എന്നിങ്ങനെ മൂന്നുവിഭാഗങ്ങളിലായിരുന്നു മത്സരം. സ്ക്വോട്ട് (200 കിലോ), ബെഞ്ച് പ്രസ് (120) വിഭാഗങ്ങളിൽ ദേശീയ റെക്കാഡിട്ട അമേയ ഡെഡ്‌ ലിഫ്റ്റിൽ 155 കിലോ ഉയർത്തി. ഓവറോൾ വിജയിയെ നിർണയിച്ചപ്പോൾ 475 കിലോഗ്രാമിന്റെ ദേശീയ റെക്കോഡും അമേയയുടെ പേരിലായി. സ്ട്രോങ് വുമൺ വിഭാഗത്തിൽ മൂന്നാംസ്ഥാനവുമുണ്ട്.
ഹരിപ്പാട് ഗവ. ബോയ്‌സ് ഹയർസെക്കൻഡറി സ്കൂളിൽ പ്ലസ്ടു പരീക്ഷയെഴുതി ഫലം കാത്തിരിക്കുകയാണ് തുലാംപറമ്പ് വടക്ക് പുതുപ്പുരയ്ക്കൽ വിനോദിന്റെയും മഞ്ജുവിന്റെയും മകളായ അമേയ.
ഏഷ്യ-ദേശീയ തലങ്ങളിൽ 21 സ്വർണമെഡലുകളാണ് നേടിയിട്ടുള്ളത്. കഴിഞ്ഞ ഏഷ്യൻ പവർലിഫ്റ്റിങ് ചാമ്പ്യൻഷിപ്പിൽ നാലു സ്വർണമെഡലുകൾ നേടി. ന്യൂസീലൻഡിലെ ഓക്‌ലൻഡിൽ നടന്ന കോമൺവെൽത്ത് വെയ്‌റ്റ്‌ ലിഫ്റ്റിങ് ചാമ്പ്യൻഷിപ്പിനുള്ള ഇന്ത്യൻ ടീമിലും ഇടംനേടി. കഴിഞ്ഞ ഏഷ്യൻ ചാമ്പ്യൻഷിപ്പിലും ദേശീയ റെക്കോഡോടെയാണ് അമേയ സ്വർണം നേടിയത്. സ്കൂളിലെ കായികാധ്യാപിക ഗിരിജാകുമാരിയാണ് അമേയയിലെ പ്രതിഭയെ കണ്ടെത്തിയത്. പായിപ്പാട് ബ്രദേഴ്‌സ് ജിമ്മിലെ പരിശീലനവും തുണച്ചു. ഇപ്പോൾ ആലപ്പി ജിമ്മിലാണ് പരിശീലനം.
അപ്ഡേറ്റായിരിക്കാം, വാട്സാപ്പ്
ചാനൽ ഫോളോ ചെയ്യൂ
അപ്ഡേറ്റുകൾ വേഗത്തിലറിയാൻ ഫോളോ ചെയ്തശേഷം നോട്ടിഫിക്കേഷൻ ഓൺ ചെയ്യൂ
RELATED STORIES
.jpg?$p=246738b&q=0.8&f=16x11&w=104)
.jpg?$p=430c1f1&q=0.8&f=16x11&w=104)
%20(1).jpg?$p=54ec429&q=0.8&f=16x11&w=104)
.jpg?$p=f44144c&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..