അമ്പലപ്പുഴ : ഗ്രന്ഥശാലാപ്രസ്ഥാനത്തിന്റെ ജന്മഗൃഹമായ അമ്പലപ്പുഴ പി.കെ. മെമ്മോറിയൽ ഗ്രന്ഥശാല ഇനി മികവിന്റെ കേന്ദ്രം. റഫറൽ ഗ്രന്ഥങ്ങളും ഇന്റർനെറ്റ് ലാപ്‌ടോപ്പ് സംവിധാനങ്ങളുമായി വിദ്യാർഥികളുടെ പഠനമുറിയായി ഗ്രന്ഥശാല മാറും. സെന്റർ ഓഫ് എക്‌സലൻസിന്റെയും 102-ാമത് ഓൺലൈൻ പുസ്തകാസ്വാദനസദസ്സിന്റെയും നവീകരിച്ച ലൈബ്രറിയുടെയും ഉദ്ഘാടനം ചൊവ്വാഴ്ച നടക്കുമെന്ന് പ്രസിഡന്റ് കെ.പി. കൃഷ്ണദാസ്, സെക്രട്ടറി എൻ.എസ്. ഗോപാലകൃഷ്ണൻ, ഭരണസമിതിയംഗങ്ങളായ എ. ഓമനക്കുട്ടൻ, ജി. വേണുലാൽ എന്നിവർ പത്രസമ്മേളനത്തിലറിയിച്ചു.
മൂന്നിനു ഗ്രന്ഥശാലാ ഓഡിറ്റോറിയത്തിൽ നടക്കുന്ന കവിയരങ്ങ് പ്രൊഫ. അമൃത ഉദ്ഘാടനം ചെയ്യും. നാലിനു പുസ്തകാസ്വാദനസദസ്സിന്റെയും സെന്റർ ഓഫ് എക്‌സലൻസിന്റെയും ഉദ്ഘാടനം മന്ത്രി സജി ചെറിയാൻ നിർവഹിക്കും. നവീകരിച്ച ലൈബ്രറി എച്ച്. സലാം എം.എൽ.എ. ഉദ്ഘാടനം ചെയ്യും. നോവലിസ്റ്റ് കെ.ആർ. മീര മുഖ്യാതിഥിയാകും. ഫോട്ടോ അനാച്ഛാദനവും അംഗത്വവിതരണ ഉദ്ഘാടനവും ജില്ലാ പഞ്ചായത്ത് പ്രസിഡന്റ് കെ.ജി. രാജേശ്വരി നിർവഹിക്കും.
യു.പി.എസ്.സി., പി.എസ്.സി., സ്റ്റാഫ് സെലക്‌ഷൻ, ബാങ്കിങ്, റെയിൽവേ തുടങ്ങി വിവിധ മത്സരപ്പരീക്ഷകൾക്കു തയ്യാറെടുക്കുന്ന വിദ്യാർഥികൾക്കു പഠിക്കാനുള്ള ഇടമായാണു സെന്റർ ഓഫ് എക്‌സലൻസ് സജ്ജീകരിച്ചിരിക്കുന്നത്.
2021 ജൂൺ 19-നു വായനാദിനത്തിലാണു ഗ്രന്ഥശാലയിൽ ഓൺലൈൻ പുസ്തകാസ്വാദനസദസ്സിനു തുടക്കമായത്.
അപ്ഡേറ്റായിരിക്കാം, വാട്സാപ്പ്
ചാനൽ ഫോളോ ചെയ്യൂ
അപ്ഡേറ്റുകൾ വേഗത്തിലറിയാൻ ഫോളോ ചെയ്തശേഷം നോട്ടിഫിക്കേഷൻ ഓൺ ചെയ്യൂ
RELATED STORIES
.jpg?$p=8c943a9&q=0.8&f=16x11&w=104)
.jpg?$p=430c1f1&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..