കൊച്ചി : ഗവർണറും മുഖ്യമന്ത്രിയും പരസ്പരപൂരകങ്ങളായി പ്രവർത്തിക്കേണ്ട ഭരണഘടനാ സ്ഥാപനങ്ങളാണെന്ന് മുൻ ലോക്‌സഭാ സെക്രട്ടറി ജനറൽ ടി.ഡി. തങ്കപ്പൻ ആചാരി പറഞ്ഞു. പ്രൊഫ. കെ.വി. തോമസ് വിദ്യാധനം ട്രസ്റ്റ് നടത്തിയ കോളേജ് വിദ്യാർഥികളുടെ സംവാദത്തിൽ സംസാരിക്കുകയായിരുന്നു അദ്ദേഹം.
മുൻ കേന്ദ്രമന്ത്രി പി.ജെ. കുര്യൻ സംവാദം ഉദ്ഘാടനം ചെയ്തു. പ്രൊഫ. കെ.വി. തോമസ്, സെയ്ന്റ് തെരേസാസ് കോളേജ് മാനേജർ സിസ്റ്റർ വിനീത, മുൻ എം.എൽ.എ. എം.എ. ചന്ദ്രശേഖരൻ എന്നിവർ പങ്കെടുത്തു. ജേക്കബ് ജോർജ് മോഡറേറ്ററും ബാബു ജോസഫ്, പ്രൊഫ. ഷൈൻ ആന്റണി, ജി. ഷഹീദ് എന്നിവർ ജൂറി അംഗങ്ങളുമായിരുന്നു. സംവാദത്തിൽ ഒന്നാംസമ്മാനം എസ്.സി.എം.എസ്. കോളേജ് ഓഫ് എൻജിനീയറിങ് ആൻഡ് ടെക്‌നോളജിയും രണ്ടാംസമ്മാനം സ്കൂൾ ഓഫ് ലീഗൽ സ്റ്റഡീസും മൂന്നാം സമ്മാനം കേരള മീഡിയ അക്കാദമിയും നേടി.
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..