കാക്കനാട് : കെ.എസ്.ആർ.ടി.സി.യുടെ ദീർഘദൂര റൂട്ടിൽ അനധികൃതമായി സമാന്തര സർവീസ് നടത്തുന്ന വാഹനങ്ങൾക്കെതിരേ മോട്ടോർവാഹന വകുപ്പ് നടപടി തുടങ്ങി.
കൊച്ചി നഗരത്തിലും പരിസരപ്രദേശങ്ങളിലുമായി നടത്തിയ മിന്നൽ പരിശോധനയിൽ വെള്ളിയാഴ്ച വൈകീട്ടുവരെ പത്ത് വാഹനങ്ങളാണ് പിടികൂടിയത്.
ബസ്റൂട്ടിൽ സമാന്തര സർവീസ് നടത്തിയിരുന്ന ടൂറിസ്റ്റ് ബസ്, ടെമ്പോ ട്രാവലർ വാഹനങ്ങളാണ് കുടുങ്ങിയത്.
കളക്ടറേറ്റ് പരിസരത്തുനിന്ന്‌ സിവിൽ സ്റ്റേഷൻ ജീവനക്കാരുമായി ആലപ്പുഴ, ചേർത്തല ഭാഗങ്ങളിലേക്ക് സമാന്തര സർവീസ് നടത്തുകയായിരുന്ന രണ്ട് ടെമ്പോ ട്രാവലറുകൾക്കെതിരേ നടപടിയെടുത്തു.
ഇതുകൂടാതെ ഹൈക്കോടതി പരിസരത്തുനിന്ന്‌ നാല് ടെമ്പോ ട്രാവലറുകളും സ്കൂളുകൾ കേന്ദ്രീകരിച്ച് സമാന്തര സർവീസ് നടത്തുന്ന വാഹനങ്ങളും പിടിയിലായി. പരിശോധന രാത്രി വൈകിയും തുടരുകയാണ്.
.jpg?$p=b4048c4&q=0.8&f=16x11&w=104)
.jpg?$p=b4048c4&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..