Caption
മണക്കാല : ‘എന്നാലിനിയൊരു കഥയുരചെയ്യാം എച്ച്.എം. അരുളിയപോലെ, നമ്മുടെ സ്കൂളിൻ മേന്മയതെല്ലാം നാട്ടാർക്കെല്ലാം കേട്ടീടാനായി’ ഒാട്ടൻ തുള്ളലിലൂടെ കുരുന്നുകൾ പാടി. പഠനോത്സവത്തിന്റെ ഭാഗമായി മണക്കാല തുവയൂർ നോർത്ത് ഗവ.എൽ.പി.സ്കൂളിലെ വിദ്യാർഥികൾ മണക്കാല ജങ്ഷനിൽ ഒാട്ടൻ തുള്ളൽ അവതരിപ്പിക്കുകയായിരുന്നു. പഠിച്ചപാഠങ്ങളും അതിലൂടെ നേടിയ അറിവുകളും അവർ നാട്ടുകാർക്കും രക്ഷിതാക്കൾക്കും മുന്നിൽ ആടിയും പാടിയും അവതരിപ്പിച്ചു. അക്കാദമിക നേട്ടങ്ങൾ പൊതു ഇടങ്ങളിൽ അവതരിപ്പിക്കുന്നതിന്റെ ഭാഗമായി സ്കിറ്റ്, നൃത്തം, പാട്ട്, കവിത, വഞ്ചിപ്പാട്ട്, ലഹരിവിരുദ്ധ നൃത്തം എന്നിങ്ങനെ നിരവധി പരിപാടികൾ കുട്ടികൾ അവതരിപ്പിച്ചു. ഒന്നുമുതൽ നാലുവരെയുള്ള ക്ലാസുകളിലെ കുട്ടികളാണ് പരിപാടികൾ അവതരിപ്പിച്ചത്. പഠനോത്സവത്തിന്റെ വിളംമ്പരം കുട്ടികൾ തന്നെ അവതരിപ്പിച്ചത് കാഴ്ചക്കാർക്ക് കൗതുകമുയർത്തി. മണക്കാല, അന്തിച്ചിറ, ചിറ്റാണി മുക്ക് എന്നീ ഭാഗങ്ങളിലാണ് പരിപാടികൾ അവതരിപ്പിച്ചത്. മണക്കാലയിൽ നടന്ന പരിപാടി ബി.ആർ.സി. കോ-ഓർഡിനേറ്റർ ടി.ജി.ജയശ്രീ ഉദ്ഘാടനം ചെയ്തു. കരിയർ ഗൈഡൻസ് ക്ലാസും സ്കൂൾ തല പഠനോത്സവും കോ-ഓപ്പറേറ്റീവ് യൂണിയൻ ചെയർമാൻ പി.ബി.ഹർഷകുമാർ ഉദ്ഘാടനം ചെയ്തു. പഞ്ചായത്തംഗം ഉഷാ ഉദയൻ അധ്യക്ഷനായി. ധന്യ, സിബി ഡാനിയേൽ, ഗിരിജ, രമ്യാ, എന്നിവർ പങ്കെടുത്തു.
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..