സ്പെഷ്യൽ ഒളിമ്പിക്സിൽ പങ്കെടുക്കാൻ ഒരുങ്ങുന്ന ടിനുവും ഹരിചന്ദനയും
മുള്ളരിങ്ങാട് : ജർമനിയിലെ ബർലിനിൽ നടക്കുന്ന സ്പെഷ്യൽ ഒളിമ്പിക്സിൽ പങ്കെടുക്കാനൊരുങ്ങി സഹോദരങ്ങൾ. പുത്തൻ വീട്ടിൽ ജയമോളുടെയും ടി.പി.മോൻസിയുടെയും മക്കളായ ടിനു മോൻസിയും ഹരിചന്ദന മോൻസിയും ആണ് ഈ മിടുക്കർ. ടിനു നീന്തലിലും ഹരിചന്ദന ഹാൻഡ് ബോളിലുമാണ് മത്സരിക്കുന്നത്.ജൂൺ 12 മുതൽ 26വരെയാണ് സ്പെഷ്യൽ ഒളിമ്പിക്സ്. ഗുജറാത്തിലെ ഗാന്ധിനഗറിലും ഹരിയാനയിലും നടന്ന സെലക്ഷൻ മത്സരത്തിൽ നേടിയ മികച്ച വിജയമാണ് ഇവരെ സ്പെഷ്യൽ ഒളിമ്പിക്സിൽ പങ്കെടുക്കുന്നതിന് അർഹരാക്കിയത്.
ടിനുവിന് പഠനവൈകല്യമുണ്ട്. ഹരിചന്ദനയ്ക്ക്‌ ഒരു കാലിന് സ്വാധീനക്കൂറവുണ്ട്. ഈ പ്രതിസന്ധികളെ അതിജീവിച്ച് വിജയം നേടാൻ കഴിഞ്ഞത് സ്കൂൾ അധികൃതർ നൽകിയ പരിശീലനവും ആത്മവിശ്വാസവുമാണ്.
പാലാ ശാന്തിനിലയം സ്പെഷ്യൽ സ്കൂൾ വിദ്യാർഥികളാണ് ഇരുവരും. ടിനു പത്താംക്ലാസ് പൂർത്തിയാക്കി പ്ലസ് വൺ പഠനത്തിന് തയ്യാറെടുക്കുന്നു. ഹരിചന്ദന പത്താം ക്ലാസിലേക്ക്‌ വിജയിച്ചു. മറ്റൊരു സഹോദരൻ ഹരി പ്രസാദ് പ്രോത്സാഹനവുമായി ഇവർക്കൊപ്പമുണ്ട്.
.jpg?$p=d5faed3&q=0.8&f=16x11&w=104)
.jpg?$p=f74dec8&q=0.8&f=16x11&w=104)
.jpg?$p=69d463a&q=0.8&f=16x11&w=104)
.jpg?$p=f93fd58&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..