: കുട്ടിക്കാലംമുതലേ പാട്ടുകളോടുള്ള ചങ്ങാത്തം. മനസ്സിൽ പതിയുന്ന പാട്ടൂകളെ ഒരു മൂളിപ്പാട്ടായി കൂടെ കൂട്ടുന്ന ഇഷ്ടം. ’യാ റബ്ബേ ഒരുവേള സന്ദേഹിയായി...’ എന്നു തുടങ്ങുന്ന പാട്ടും അങ്ങനെയാണ്. ബേസിൽ ജോസഫ് നായകനായ കഠിന കഠോരമീ അണ്ഡകടാഹം സിനിമയിലെ ക്ലൈമാക്സിന്റെ മുഴുവൻ സത്തയും അടങ്ങിയ പാട്ടിന്റെ സ്വരമാധുരി അത്ര പെട്ടന്നൊന്നും പ്രേക്ഷരുടെ മനസ്സിൽനിന്നിറങ്ങില്ല. നീലേശ്വരം നെല്ലിയടുക്കം സ്വദേശിനി മേന മേലത്തിന്റെ ശബ്ദമാണ് ആ സ്വരമാധുരിക്ക്‌ പിന്നിൽ. യുവഗായികയായി മലയാളത്തിലും കന്നഡ സിനിമകളിലും മ്യൂസിക് ആൽബങ്ങളിലും ഇടംനേടിയ മേന സംഗീത സംവിധായികയുമാണ്. ശങ്കർ രാമകൃഷ്ണൻ തിരക്കഥയും സംവിധാനവും നിർവഹിച്ച റാണി എന്ന സിനിമയിലെ സംഗീത സംവിധാനം ചെയ്തത് മേനയാണ്. സിനിമയിലെ രണ്ട് പാട്ടുകൾ എഴുതിയതും ഇവർ തന്നെ.
സംഗീത സംവിധായികയായുള്ള വരവ്
എറണാകുളം അമൃത കോളേജിലെ ജേർണലിസം പഠനത്തിൽ മേനയുടെ പ്രധാന വിഷയം സിനിമയായിരുന്നു. സംഗീതജ്ഞൻ സുദീപ് പാലനാടിന്റെ അസി. ഡയറക്ടറായി പ്രവർത്തിച്ചുവരുന്നിടെയാണ് ശങ്കർ രാമകൃഷ്ണന്റെ ക്ഷണമെത്തുന്നത്. സ്കൂൾ, സർവകലാശാല കലോത്സവങ്ങളിലും ശാസ്ത്രീയ സംഗീതം, ലളിത ഗാനം, ഭരതനാട്യം, വീണ എന്നീ ഇനങ്ങളിൽ നിരവധി സമ്മാനങ്ങൾ നേടിയിട്ടുണ്ട്.
മുൻ അധ്യാപകനും ഗാനരചയിതാവുമായ എം.കെ. ഗോപകുമാറിന്റെയും ബാനം ഗവ. എച്ച്.എസ്. അധ്യാപിക അനിത മേലത്തിന്റെയും മകളാണ്. മംഗളൂരു സെയ്ന്റ് ആഗ്നസ് കേളജിൽ ജേർണലിസം വിഭാഗം അധ്യാപികയായ മേന ശ്രീലകം, മംഗളാരതി എന്നീ ആൽബങ്ങളും ചെയ്തിട്ടുണ്ട്.
.jpg?$p=b4048c4&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..