തൊടുപുഴ : ഇടുക്കി ഐ.ടി.ഡി.പ്രോജക്ട് ഓഫീസിന്റെ കീഴിൽ ഇടുക്കി, കട്ടപ്പന, പൂമാല, പീരുമേട് എന്നീ ട്രൈബൽ എക്സ്റ്റൻഷൻ ഓഫീസുകളിൽ നിലവിലുള്ള പട്ടികവർഗ പ്രൊമോട്ടർ, ഹെൽത്ത് പ്രൊമോട്ടർമാരുടെ ഒഴിവുകളിലേക്ക് താത്കാലിക നിയമനത്തിന് പട്ടികവർഗ വിഭാഗത്തിൽപ്പെട്ടവരിൽനിന്ന്‌ അപേക്ഷകൾ ക്ഷണിച്ചു.
പത്താംക്ലാസ് വിദ്യാഭ്യാസ യോഗ്യതയുള്ള യുവതീ-യുവാക്കൾക്ക് അപേക്ഷിക്കാം. പി.വി.ടി.ജി., അടിയ, പണിയ, മലപണ്ടാര വിഭാഗങ്ങൾക്ക് എട്ടാം ക്ലാസ് യോഗ്യത മതിയാകും. പ്രായപരിധി 20-നും 35-നും മധ്യേ. ഹെൽത്ത് പ്രൊമോട്ടർമാരായി പരിഗണിക്കപ്പെടുന്നവർക്ക് നഴ്‌സിങ്, പാരാമെഡിക്കൽ കോഴ്‌സുകൾ പഠിച്ചവർക്കും ആയുർവേദം, പാരമ്പര്യവൈദ്യം എന്നിവയിൽ പ്രാവീണ്യം നേടിയവർക്കും മുൻഗണന നൽകും.അപേക്ഷ ബന്ധപ്പെട്ട പ്രോജക്ട് ഓഫീസ്, ട്രൈബൽ ഡെവലപ്‌മെന്റ് ഓഫീസ് മുഖേനയാണ് സമർപ്പിക്കേണ്ടത്. അപേക്ഷ സമർപ്പിക്കുന്നതിനുള്ള അവസാന തീയതി 31-ന് വൈകുന്നേരം അഞ്ചുമണി. നിയമന കാലാവധി രണ്ട് വർഷമായിരിക്കും. വിവരങ്ങൾക്ക്: ഐ.ടി.ഡി.പി., ഇടുക്കി-04862 222399, 295799.
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..