തലശ്ശേരി : ജില്ലാ ക്രിക്കറ്റ് അസോസിയേഷൻ സി ഡിവിഷൻ ലീഗ് ക്രിക്കറ്റ് മത്സരത്തിൽ തലശ്ശേരി വാലിയൻറ് ക്രിക്കറ്റ് ക്ലബ് 73 റൺസിന് തലശ്ശേരി തിരുവങ്ങാട് ക്രിക്കറ്റ് ക്ലബിനെ പരാജയപ്പെടുത്തി. വാലിയൻറ് ക്രിക്കറ്റ് ക്ലബ് 20 ഓവറിൽ നാലുവിക്കറ്റ് നഷ്ടത്തിൽ 156 റൺസെടുത്തു. തിരുവങ്ങാട് ക്ലബ് 15.4 ഓവറിൽ 83 റൺസിന് എല്ലാവരും പുറത്തായി. വാലിയൻറ് താരം ബനീസാണ്‌ മാൻ ഓഫ് ദി മാച്ച്.
രണ്ടാമത്തെ മത്സരത്തിൽ കണ്ണൂർ യങ്‌സ്റ്റേഴ്‌സ് ക്രിക്കറ്റ് ക്ലബ് ഒരുറൺസിന് കണ്ണൂർ ബ്രദേഴ്‌സ് ക്രിക്കറ്റ് ക്ലബിനെ പരാജയപ്പെടുത്തി. യങ്‌സ്റ്റേഴ്‌സ് ക്രിക്കറ്റ് ക്ലബ് 20 ഓവറിൽ നാലുവിക്കറ്റ് നഷ്ടത്തിൽ 125 റൺസ് നേടി. കണ്ണൂർ ബ്രദേഴ്‌സ് 20 ഓവറിൽ ഒൻപതുവിക്കറ്റ് നഷ്ടത്തിൽ 124 റൺസെടുത്തു. യങ്‌സ്റ്റേഴ്‌സ് ക്രിക്കറ്റ് ക്ലബ് താരം പി.പി.ജിതിനാണ്‌ മാൻ ഓഫ് ദി മാച്ച്. കോണോർവയൽ സ്റ്റേഡിയത്തിൽ വ്യാഴാഴ്ച രാവിലെ ബി ഡിവിഷൻ മത്സരത്തിൽ കമ്പിൽ അപ്പാച്ചി ക്രിക്കറ്റ് ക്ലബ് ധർമടം സീഹോക്ക് ക്രിക്കറ്റ് ക്ലബിനെയും ഉച്ചയ്ക്ക് തലശ്ശേരി ബി.കെ. 55 ക്രിക്കറ്റ് അക്കാദമി മട്ടാമ്പ്രം മാസോ ക്രിക്കറ്റ് ക്ലബിനെയും നേരിടും.
.jpg?$p=c33b29b&q=0.8&f=16x11&w=104)
.jpg?$p=0addcd3&q=0.8&f=16x11&w=104)
.jpg?$p=08e4011&q=0.8&f=16x11&w=104)
.jpg?$p=9396e2d&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..