തലശ്ശേരി : ജില്ലാ ക്രിക്കറ്റ് അസോസിയേഷൻ സി ഡിവിഷൻ ലീഗ് ക്രിക്കറ്റ് മത്സരത്തിൽ കണ്ണൂർ ബ്രദേഴ്സ് ക്രിക്കറ്റ് ക്ലബ് ഏഴ് വിക്കറ്റിന് തലശ്ശേരി നെട്ടൂർ ക്രിക്കറ്റ് ക്ലബ്ബിനെ പരാജയപ്പെടുത്തി. നെട്ടൂർ ക്രിക്കറ്റ് ക്ലബ് 18.2 ഓവറിൽ 64 റൺസിന് എല്ലാവരും പുറത്തായി. ബ്രദേഴ്സ് ക്ലബ് 9.5 ഓവറിൽ മൂന്ന് വിക്കറ്റ് നഷ്ടത്തിൽ 68 റൺസെടുത്ത് വിജയലക്ഷ്യം നേടി.
രണ്ടാമത്തെ മത്സരത്തിൽ തലശ്ശേരി ഐലൻഡ്‌ ക്രിക്കറ്റ് ക്ലബ് 14 റൺസിന് തലശ്ശേരി ക്രൈസ്റ്റ് കോളേജിനെ പരാജയപ്പെടുത്തി. ഐലൻഡ്‌ ക്രിക്കറ്റ് ക്ലബ് 20 ഓവറിൽ എട്ട് വിക്കറ്റ് നഷ്ടത്തിൽ 125 റൺസെടുത്തു. ക്രൈസ്റ്റ് കോളേജ് 18.4 ഓവറിൽ 111 റൺസിന് എല്ലാവരും പുറത്തായി. അഭിനവ് 36 റൺസെടുത്തു. ഐലൻഡിന് വേണ്ടി പി.പി. ഷംസീർ 16 റൺസിന് അഞ്ച് വിക്കറ്റും ജെറീസ് ജെറി 19 റൺസിനും ആഷിർ 20 റൺസിനും രണ്ട് വിക്കറ്റുകൾ വീതം നേടി. ഐലൻഡ്‌ ക്രിക്കറ്റ് ക്ലബ് താരം പി.പി. ഷംസീറിനെ മാൻ ഓഫ് ദി മാച്ച് ആയി തിരഞ്ഞെടുത്തു.
കോണോർവയൽ സ്റ്റേഡിയത്തിൽ ശനിയാഴ്ച രാവിലെ ബി ഡിവിഷൻ മത്സരത്തിൽ കൂത്തുപറമ്പ് രഞ്ജി ക്രിക്കറ്റ് ക്ലബ്, മുഴപ്പിലങ്ങാട് വി.പി.ആർ. ക്ലബ്ബിനെയും ഉച്ചയ്ക്ക് നടക്കുന്ന മത്സരത്തിൽ ഇല്ലിക്കുന്ന് ജനുവിൻ ഗയ്സ് ക്രിക്കറ്റ് ക്ലബ്, തലശ്ശേരി ബി.കെ. 55 ക്രിക്കറ്റ് അക്കാദമിയെയും നേരിടും.എസ്.വൈ.എസ്. കണ്ണൂർ യൂത്ത് സോൺ പാർലമെന്റ് നാളെ
കണ്ണൂർ : സമസ്ത കേരള സുന്നി യുവജനസംഘം (എസ്.വൈ.എസ്.) കണ്ണൂർ സോൺ പാർലമെന്റ് ഞായറാഴ്ച നടക്കും. കണ്ണൂർ കക്കാട് മിനി സ്റ്റേഡിയത്തിൽ കക്കാട് മഹല്ല് ഖത്തീബ് മുഹമ്മദ് ഖാസിം സഖാഫി പതാകയുയർത്തും. ജില്ലാ സെക്രട്ടറി റിയാസ് കക്കാട് അധ്യക്ഷനാകുന്ന സമ്മേളനം സമസ്ത കണ്ണൂർ ജില്ലാ സെക്രട്ടറി അബ്ദുല്ല കുട്ടി ബാഖവി ഉദ്ഘാടനം ചെയ്യും.
വിവിധ സെഷനുകളിലായി സാമൂഹികവികസനം, സാംസ്കാരിക നിക്ഷേപം തുടങ്ങിയ വിഷയങ്ങൾ ചർച്ചചെയ്യും. വൈകിട്ട് 5.15-ന് നടക്കുന്ന ‘പ്രാദേശിക വികസന കാഴ്ചപ്പാടുകൾ’ എന്ന സെഷനിൽ കെ.വി.സുമേഷ് എം.എൽ.എ., മേയർ ടി.ഒ.മോഹനൻ, എസ്.വൈ.എസ്. ജില്ലാ ജനറൽ സെക്രട്ടറി നിസാർ അതിരകം എന്നിവർ പങ്കെടുക്കും. വൈകിട്ട് ഏഴിന് നടക്കുന്ന ‘യുവത്വം, നിലപാട് പറയുന്നു’ എന്ന സെഷനിൽ എസ്.വൈ.എസ്. ജില്ലാ പ്രസിഡന്റ് അബ്ദുൽ റഷീദ് സഖാഫി മെരുവമ്പായി സംസാരിക്കും.
രാത്രി എട്ടിന് സമാപനസംഗമം നടക്കും. ‘ആദർശവിശുദ്ധിയുടെ പാരമ്പര്യപാഠങ്ങൾ’ എന്ന വിഷയത്തിൽ സയ്യിദ് സഹദുദ്ദീൻ അൽ ഹൈദ്രൂസി തങ്ങൾ മുഖ്യപ്രഭാഷണം നടത്തും. സമ്മേളനത്തിൽ മുന്നൂറോളം ആളുകൾ പങ്കെടുക്കുമെന്നും ഭാരവാഹികൾ പത്രസമ്മേളനത്തിൽ അറിയിച്ചു. ചെയർമാൻ റിയാസ് കക്കാട്, സോൺ പ്രസിഡന്റ് മുഹമ്മദ് സജീർ സഖാഫി, ജനറൽ സെക്രട്ടറി ഡി.സി.യൂനുസ്, പി.പി.മുസമ്മിൽ, റൗഫ് കക്കാട് എന്നിവർ പങ്കെടുത്തു.
.jpg?$p=9964fa3&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..