തലശ്ശേരി : ജില്ലാ ക്രിക്കറ്റ് അസോസിയേഷൻ സി ഡിവിഷൻ ലീഗ് ക്രിക്കറ്റ് മത്സരത്തിൽ കണ്ണൂർ ബ്രദേഴ്സ് ക്രിക്കറ്റ് ക്ലബ് 16 റൺസിന് തലശ്ശേരി വാലിയൻറ് ക്രിക്കറ്റ് ക്ലബിനെ പരാജയപ്പെടുത്തി. ബ്രദേഴ്സ് ക്ലബ് 20 ഓവറിൽ അഞ്ച് വിക്കറ്റ് നഷ്ടത്തിൽ 153 റൺസെടുത്തു.
ഹനീഫ 59 റൺസും ബിവിൻ 24 റൺസുമെടുത്തു. വാലിയന്റിന് വേണ്ടി ഷംസീർ 26 റൺസിനും ഇ.കെ. മുഹമ്മദ്‌ ഷിബിലി 26 റൺസിനും രണ്ട് വിക്കറ്റ് വീതം വീഴ്ത്തി. വാലിയന്റ് ക്രിക്കറ്റ് ക്ലബ് 19.4 ഓവറിൽ 137 റൺസിന് എല്ലാവരും പുറത്തായി. പി.പി. ഷംനാദ് 73 റൺസെടുത്തു.
ബ്രദേഴ്സിനുവേണ്ടി മിർഷാദ് 19 റൺസിനും ഷരീഫ് 21 റൺസിനും മൂന്ന് വിക്കറ്റ് വീതം നേടി. ബ്രദേഴ്സ് ക്രിക്കറ്റ് ക്ലബ് താരം ഹനീഫയെ മാൻ ഓഫ് ദി മാച്ച് ആയി തിരഞ്ഞെടുത്തു. രണ്ടാമത്തെ മത്സരത്തിൽ തലശ്ശേരി ഐലൻഡ്‌ ക്രിക്കറ്റ് ക്ലബ് 18 റൺസിന് കണ്ണൂർ ഫോർട്ട്‌ ക്രിക്കറ്റ് ക്ലബ് ബി ടീമിനെ പരാജയപ്പെടുത്തി.
ഐലൻഡ്‌ ക്രിക്കറ്റ് ക്ലബ് 20 ഓവറിൽ എട്ട് വിക്കറ്റ് നഷ്ടത്തിൽ 126 റൺസെടുത്തു. മനാഫ് 26 റൺസും അഭിനവ് 21 റൺസുമെടുത്തു. ഫോർട്ടിനുവേണ്ടി സി. മുഹമ്മദ്‌ ദിൻഷാൻ 18 റൺസിന് നാല് വിക്കറ്റ് നേടി.
ഫോർട്ട്‌ 19.4 ഓവറിൽ 108 റൺസിന് എല്ലാവരും പുറത്തായി. നബുഹാൻ 30 റൺസും സനൂപ് 17 റൺസുമെടുത്തു.
ഐലൻഡിനുവേണ്ടി പി.പി. ഷംസീർ 29 റൺസിന് നാല് വിക്കറ്റും പി.കെ. സജീർ 11 റൺസിന് മൂന്ന് വിക്കറ്റും നേടി.
ഐലൻഡ്‌ ക്രിക്കറ്റ് ക്ലബ് താരം പി.കെ. സജീറിനെ മാൻ ഓഫ് ദി മാച്ച് ആയി തിരഞ്ഞെടുത്തു. കോണോർവയൽ സ്റ്റേഡിയത്തിൽ തിങ്കളാഴ്ച രാവിലെ ബി ഡിവിഷൻ മത്സരത്തിൽ തലശ്ശേരി ബി.കെ 55 ക്രിക്കറ്റ് അക്കാദമി വടക്കുമ്പാട് ക്രിക്കറ്റ് ക്ലബിനേയും ഉച്ചയ്ക്ക് നടക്കുന്ന മത്സരത്തിൽ ഇല്ലിക്കുന്ന് ജനുവിൻ ഗയ്സ് ക്രിക്കറ്റ് ക്ലബ് തലശ്ശേരി മലബാർ അത്‌ലറ്റിക്ക് ക്ലബിനെയും നേരിടും.
.jpg?$p=c33b29b&q=0.8&f=16x11&w=104)
.jpg?$p=0addcd3&q=0.8&f=16x11&w=104)
.jpg?$p=08e4011&q=0.8&f=16x11&w=104)
.jpg?$p=9396e2d&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..