ക്ഷയരോഗ ദിനാചരണത്തിന്റെ ജില്ലാതല ഉദ്ഘാടനത്തിന്റെ ഭാഗമായി ജില്ലാ ടി.ബി. സെന്റർ കൺസൾട്ടന്റ് ഡോ. കെ.എം. ബിന്ദു ബോധവത്കരണ ക്ലാസെടുക്കുന്നു
കണ്ണൂർ : ജില്ലാ മെഡിക്കൽ ഓഫീസ്, ദേശീയ ആരോഗ്യ ദൗത്യം, ജില്ലാ ടി.ബി. ആൻഡ് എയ്ഡ്സ് കൺട്രോൾ സെന്റർ എന്നിവയുടെ നേതൃത്വത്തിൽ ജില്ലാതല ക്ഷയരോഗദിനാചരണം നടത്തി. ജില്ലാ പഞ്ചായത്ത്‌ പ്രസിഡന്റ് പി.പി. ദിവ്യ ഉദ്ഘാടനംചെയ്തു.
‘അതേ നമുക്ക് ക്ഷയരോഗത്തെ തുടച്ചുനീക്കാം’ എന്ന സന്ദേശത്തോടുകൂടിയാണ് ക്ഷയരോഗദിനം ആചരിച്ചത്.
ജില്ലാ ആർ.സി.എച്ച്. ഓഫീസർ ഡോ. ജി. അശ്വിൻ മുഖ്യപ്രഭാഷണം നടത്തി. 2025-ഓടെ ക്ഷയരോഗമുക്ത കേരളം സാധ്യമാകുമെന്നും അതിനായി ക്ഷയരോഗികളെ കണ്ടെത്തി സൗജന്യ ചികിത്സ നൽകുമെന്നും അദ്ദേഹം പറഞ്ഞു.
ഡെപ്യൂട്ടി ഡി.എം.ഒ. ഡോ. എം.പി. ജീജ അധ്യക്ഷയായി. ജില്ലാ ടി.ബി. സെന്റർ ജൂനിയർ കൺസൾട്ടന്റ് ഡോ. കെ.എം. ബിന്ദു ക്ഷയരോഗ ബോധവത്കരണ ക്ലാസ് നടത്തി. ഡോ. രജ്ന ദിൽനാഥ്‌, ഡോ. പി.കെ. അനിൽ കുമാർ, ടി.ജെ. ചാക്കോ, എം. മനോജ്‌ കുമാർ എന്നിവർ സംസാരിച്ചു.
ദിനാചരണത്തിന്റെ ഭാഗമായി രാവിലെ പയ്യാമ്പലം ബീച്ചിൽ നടത്തിയ ക്ഷയരോഗ ബോധവത്കരണ കൂട്ടയോട്ടവും സുംബാ ഡാൻസും സിറ്റി പോലീസ് കമ്മിഷണർ അജിത് കുമാർ ഉദ്ഘാടനംചെയ്തു.
കൂടാളി : ഗ്രാമപ്പഞ്ചായത്തിന്റെയും കുടുംബാരോഗ്യ കേന്ദ്രം കൂടാളിയുടെയും നേതൃത്വത്തിൽ ക്ഷയരോഗ ദിനം ആചരിച്ചു. നായാട്ടുപാറ കുടുംബക്ഷേമ ഉപകേന്ദ്രത്തിൽ നടന്ന പരിപാടി ഗ്രാമപ്പഞ്ചായത്ത് പ്രസിഡന്റ് പി.കെ.ഷൈമ ഉദ്ഘാടനം ചെയ്തു. പഞ്ചായത്തംഗം പി.സിന്ധു അധ്യക്ഷതവഹിച്ചു. വാർഡംഗം സുരേഷ്ബാബു, വി.സത്യൻ, പി.കെ.രഞ്ജിത്ത്, സൗമ്യ, സിന്ധു, ഇന്ദിര എന്നിവർ സംസാരിച്ചു.
.jpg?$p=08e4011&q=0.8&f=16x11&w=104)
.jpg?$p=c33b29b&q=0.8&f=16x11&w=104)
.jpg?$p=0addcd3&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..