• കേരള സ്റ്റേറ്റ് സർവീസ് പെൻഷനേഴ്സ് അസോസിയേഷൻ കളക്ടറേറ്റിന് മുന്നിൽ നടത്തിയ സത്യഗ്രഹം ഡി.സി.സി. പ്രസിഡന്റ് മാർട്ടിൻ ജോർജ് ഉദ്ഘാടനം ചെയ്യുന്നു
കണ്ണൂർ : കേരള സ്റ്റേറ്റ് സർവീസ് പെൻഷനേഴ്സ് അസോസിയേഷൻ (കെ.എസ്.എസ്.പി.എ.) ജില്ലാ കമ്മിറ്റിയുടെ നേതൃത്വത്തിൽ സർവീസ് പെൻഷൻകാരും കുടുംബാംഗങ്ങളും സത്യഗ്രഹം നടത്തി.
തടഞ്ഞുവെച്ചിരിക്കുന്ന ആനുകൂല്യങ്ങൾ ഉടൻ അനുവദിക്കുക എന്ന ആവശ്യമുന്നയിച്ച് കെ.എസ്.എസ്.പി.എ. നടത്തിവരുന്ന പ്രതിഷേധപരിപാടികളുടെ ഭാഗമായാണ് സത്യഗ്രഹം.
മെഡിസെപിലെ അപാകം പരിഹരിക്കുക, ശമ്പളപരിഷ്കരണ കമ്മിഷനെ നിയമിക്കുക തുടങ്ങിയ ആവശ്യങ്ങളും ഉന്നയിച്ചു.
സർവീസിലിരിക്കെ, മരണമടഞ്ഞ ജീവനക്കാർക്ക് അവകാശപ്പെട്ട ആനുകൂല്യങ്ങൾ നിഷേധിക്കുന്നതിൽ പ്രതിഷേധിച്ച് അവരുടെ കുടുംബാംഗങ്ങളും പങ്കെടുത്തു.
കളക്ടറേറ്റിന് മുന്നിൽ ഡി.സി.സി. പ്രസിഡന്റ് മാർട്ടിൻ ജോർജ് ഉദ്ഘാടനം ചെയ്തു.
കെ.എസ്.എസ്.പി.എ. ജില്ലാ പ്രസിഡന്റ് കെ. മോഹനൻ അധ്യക്ഷനായി. സംസ്ഥാന ജനറൽ സെക്രട്ടറി എം.പി. വേലായുധൻ മുഖ്യപ്രഭാഷണം നടത്തി.
ജില്ലാ സെക്രട്ടറി കെ.സി. രാജൻ, ടി. കരുണാകരൻ, കെ. രാമകൃഷ്ണൻ, രവീന്ദ്രൻ കൊയ്യോടൻ, എ.കെ. സുധാകരൻ, പി. അബൂബക്കർ, ഇ. ബാലകൃഷ്ണൻ, കെ.ടി. ഗംഗാധരൻ, തങ്കമ്മ വേലായുധൻ, ഗീത കൊമ്മേരി, പി. ലളിത തുടങ്ങിയവർ സംസാരിച്ചു.
.jpg?$p=b4048c4&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..