തളങ്കര ഗവ. മുസ്‍ലിം സ്കൂൾ സീഡ് ക്ലബ് ഒരുക്കിയ മിയാവാക്കി വനം എം.വി.ആർ. ആയുർവേദ മെഡിക്കൽ കോളേജ് ഡയറക്ടർപ്രൊഫ. ഇ.കുഞ്ഞിരാമൻ ഉദ്ഘാടനം ചെയ്യുന്നു
തളങ്കര : ഗവ. മുസ്‍ലിം വൊക്കേഷണൽ ഹയർ സെക്കൻഡറി സ്കൂളിൽ മിയാവാക്കി വനം ഒരുക്കി. പറശ്ശിനിക്കടവ് എം.വി.ആർ. ആയുർവേദ മെഡിക്കൽ കോളേജിന്റെ സഹകരണത്തോടെ സ്കൂൾ സീഡ് ക്ലബ്ബിന്റെ നേതൃത്വത്തിലാണ് മിയാവാക്കി വനം ഒരുക്കിയത്. 250-ഓളം ഔഷധച്ചെടികളാണ് ഈ വനശേഖരത്തിൽ നട്ടുപിടിപ്പിച്ചത്. അതോടൊപ്പം തന്നെ അശ്വതി മുതൽ രേവതിവരെയുള്ള 27 നക്ഷത്രങ്ങളുടെ പേരിലുള്ള നക്ഷത്രവനവും ഇതോടൊപ്പം തയ്യാറാക്കിയിട്ടുണ്ട്. പദ്ധതി പറശ്ശിനിക്കടവ് എം.വി.ആർ. ആയുർവേദ മെഡിക്കൽ കോളേജ് ഡയറക്ടർ പ്രൊഫ. ഇ.കുഞ്ഞിരാമൻ ഉദ്ഘാടനം ചെയ്തു.
പി.ടി.എ. പ്രസിഡന്റ്‌ നൗഫൽ തായൽ അധ്യക്ഷനായിരുന്നു. എം.വി.ആർ. സ്നേക് പാർക്ക് ബൊട്ടാണിസ്റ്റ് പി.വി.ഉണ്ണികൃഷ്ണൻ ക്ലാസെടുത്തു. സ്കൂൾ പ്രഥമാധ്യാപിക സി.കെ.സ്വർണകുമാരി, റാഷിദ്‌ പൂരണം, എം.ബാലമുരളി, എം.വി.ആർ. ആയുർവേദ മെഡിക്കൽ കോളേജ് ഓഫീസ് സൂപ്രണ്ട് കെ.അനിൽകുമാർ, ഇക്കോ ക്ലബ്ബ് കൺവീനർ കെ.രജിത എന്നിവർ സംസാരിച്ചു.
.jpg?$p=430c1f1&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..