കാഞ്ഞങ്ങാട്: കളിയാട്ടം നടക്കുന്ന ദേവസ്ഥാനത്തേക്ക് സാധനസാമഗ്രികളും മറ്റും കാഴ്ചയായി സമർപ്പിക്കുന്നതിന് മുൻപ് കമ്മിറ്റിക്കാർ സ്നേഹാലയത്തിലെത്തി അന്നദാനം നടത്തി. കോട്ടച്ചേരി പട്ടറെ കന്നിരാശി കാഴ്ച കമ്മിറ്റിക്കാരാണ് അമ്പലത്തറ സ്നേഹാലയത്തിലെ അന്തേവാസികൾക്ക് ഭക്ഷണവുമായെത്തിയത്. കിഴക്കുംകര പുള്ളിക്കരിങ്കാളിയമ്മ ക്ഷേത്രത്തിൽ കളിയാട്ടം നടക്കുമ്പോൾ കോട്ടച്ചേരി പട്ടറെ കന്നിരാശി ദേവസ്ഥാനത്തുനിന്ന് ഘോഷയാത്രയായെത്തി കാഴ്ച സമർപ്പിക്കുന്നത് പതിവാണ്.
ഇത്തവണ ഫെബ്രുവരി ഒന്നിനാണ് കളിയാട്ടം തുടങ്ങുന്നത്. ഇതേദിവസമാണ് കാഴ്ചസമർപ്പണവും.
വൻ തുക ചെലവഴിച്ച് ഘോഷയാത്രയും മറ്റും നടത്തുമ്പോൾ, ഇത്തരത്തിലുള്ള കാരുണ്യപ്രവർത്തി കൂടി നടത്തണമെന്ന കമ്മിറ്റി തിരുമാനമാണ് ഞായറാഴ്ചത്തെ അന്നദാനം. മുൻ കാഞ്ഞങ്ങാട് നഗരസഭാ ചെയർമാൻ കെ. വേണുഗോപാലൻ നമ്പ്യാർ, ദേവസ്ഥാനം കാരണവർ രാമകൃഷ്ണൻ കാർന്നോച്ചൻ, കാഴ്ചക്കമ്മിറ്റി പ്രസിഡന്റ് പ്രകാശൻ ഇട്ടമ്മൽ, സെക്രട്ടറി ഉദ്ദേശ് താനത്ത്, ഐശ്വര്യ കുമാരൻ, ടി.വി. മോഹനൻ, വി.വി. കുമാരൻ, വി.വി. ബൈജു, സുനിൽ മാക്കംവീട് എന്നിവർ സംബന്ധിച്ചു.
.jpg?$p=69709a7&q=0.8&f=16x11&w=104)
.jpg?$p=0d09e20&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..