• പെരിയ ബസാറിലെ സത്യാഗ്രഹ സമരം ജില്ലാ പഞ്ചായത്ത് പ്രസിഡന്റ് ബേബി ബാലകൃഷ്ണൻ ഉദ്ഘാടനംചെയ്യുന്നു
പെരിയ : പെരിയ ബസാറിൽ അടിപ്പാത നിർമിക്കണമെന്ന ആവശ്യവുമായി സംയുക്ത സമരസമിതി നടത്തുന്ന അനിശ്ചിതകാല റിലേ സത്യാഗ്രഹത്തിന് ജനപിന്തുണയേറുന്നു. വ്യാപാരി വ്യവസായി സമിതി പെരിയ യൂണിറ്റ് ഐക്യദാർഢ്യവുമായി രംഗത്തുവന്നു.
മുൻ കാഞ്ഞങ്ങാട് നഗരസഭ ചെയർമാൻ വി.വി. രമേശൻ സമരം ഉദ്ഘാടനംചെയ്തു. ടി.വി. അശോകൻ അധ്യക്ഷനായി. സി.കെ. അരവിന്ദൻ, പി. കൃഷ്ണൻ, പ്രമോദ് പെരിയ, ടി.കെ. ബാലൻ, അനീഷ് ദീപം, ഗംഗാധരൻ കാപ്യവീട്, എ.എം. മുരളീധരൻ എന്നിവർ സംസാരിച്ചു.
ശനിയാഴ്ച സത്യാഗ്രഹം ഒൻപതാം ദിവസത്തിലേക്ക് കടന്നു. സമരം ജില്ലാ പഞ്ചായത്ത് പ്രസിഡന്റ് ബേബി ബാലകൃഷ്ണൻ ഉദ്ഘാടനംചെയ്തു. വരുംദിവസങ്ങളിൽ സമരം ശക്തമായി മുന്നോട്ടുകൊണ്ടുപോകുവാനാണ് സമരസമിതിയുടെ തീരുമാനം.
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..