• പെരിയ ക്ഷീരോത്പാദകസംഘത്തിന്റെ നേതൃത്വത്തിൽ ഇറക്കിയ വെള്ളരിക്കൃഷി വിളവെടുപ്പ് കൃഷി ഓഫീസർ സി.പ്രമോദ്കുമാർ ഉദ്ഘാടനം ചെയ്യുന്നു
പെരിയ : ശീതീകരണപ്ലാന്റിലെ മലിനജലം പാഴാക്കാതെ പെരിയയിലെ ക്ഷീരോത്പാദക സഹകരണസംഘം. മലിനജലം ശുദ്ധീകരിച്ച് കാർഷികസമൃദ്ധി ഒരുക്കിയിരിക്കുകയാണ് സംഘം ജീവനക്കാരും ഭരണസമിതി അംഗങ്ങളും. ക്ഷീരോത്പാദകസംഘത്തിന്റെ സമീപത്തായി പെരിയ ബസാറിലെ സുരേന്ദ്രൻ കൃഷിചെയ്യാൻ സൗജന്യമായി വിട്ടുനൽകിയ 15 സെന്റിലാണ് വെള്ളരിയും വഴുതിനയും കൃഷി ചെയ്തത്.
സംഘം സെക്രട്ടറി ലത അനിൽ, ജീവനക്കാരായ ബിനു, ശ്രീജ, രാമകൃഷ്ണൻ, ഭരണസമിതി അംഗം പി.കൃഷ്ണൻ എന്നിവർ നേതൃത്വം നൽകി. ക്ഷീരവികസന ഓഫീസർ മനോഹരനും ഇവർക്ക് പിന്തുണയുമായെത്തി. കൃഷി ഓഫീസർ സി.പ്രമോദ്കുമാർ വിളവെടുപ്പ് ഉദ്ഘാടനം ചെയ്തു. സംഘം പ്രസിഡന്റ് ഷാജീവൻ ആയമ്പാറ സംസാരിച്ചു.
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..