കള്ളാർ പെയിൻ ആൻഡ് പാലിയേറ്റീവ് കെയർ സൊസൈറ്റി സംഘടിപ്പിച്ച രോഗീസംഗമം ഫാ. ബേബി കട്ടിയാങ്കൽ ഉദ്ഘാടനം ചെയ്യുന്നു
രാജപുരം : ജീവിതവഴിയിൽ തളർന്നുവീണവർക്ക് സന്തോഷനിമിഷങ്ങൾ സമ്മാനിച്ച് രോഗീസംഗമം. കള്ളാർ പെയിൻ ആൻഡ് പാലിയേറ്റീവ് കെയർ സൊസൈറ്റിയുടെ നേതൃത്വത്തിലാണ് പഞ്ചായത്ത് പരിധിയിലെ കിടപ്പ് രോഗികളുടെ സംഗമം നടത്തിയത്. പൂടംകല്ല് പൈനിക്കരയിലെ ജോയ്‌സ് ഹോംേസ്റ്റയിൽ നടന്ന സംഗമത്തിൽ മുപ്പത് രോഗികളും അവരുടെ സഹായികളും പങ്കെടുത്തു.
രാജപുരം തിരുകുടുംബ ഫൊറോനാ വികാരി ഫാ. ബേബി കട്ടിയാങ്കൽ ഉദ്ഘാടനം ചെയ്തു. സൊസൈറ്റി പ്രസിഡന്റ് വി.കുഞ്ഞിക്കണ്ണൻ ആധ്യക്ഷനായിരുന്നു. മുനീസ അമ്പലത്തറ മുഖ്യാതിഥിയായിരുന്നു. ഫാ. ജോർജ് പഴയപറമ്പിൽ, പഞ്ചായത്തംഗം വനജാ ഐത്തു, പനത്തടി സർവീസ് സഹകരണ ബാങ്ക് പ്രസിഡന്റ് ഷാലു മാത്യു, ബി.അജയകുമാർ, ഒ.ജെ.മത്തായി എന്നിവർ സംസാരിച്ചു. സാന്ത്വനചികിത്സാ രംഗത്ത് പ്രവൃത്തിക്കുന്ന ഫിലിപ്പോസ് മെത്താനത്തിനെ ചടങ്ങിൽ ആദരിച്ചു. ബാലചന്ദ്രൻ കൊട്ടോടിയുടെ മാജിക് ഷോയും അരങ്ങേറി.
.jpg?$p=c2197a1&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..