തൃക്കരിപ്പൂർ : വിത്തുകൾ എവിടെ കണ്ടാലും ശേഖരിച്ച് മുളപ്പിച്ച് അവയുടെ പുതുനാമ്പുകളെ മക്കളെപോലെ സ്നേഹിച്ച പരിസ്ഥിതിപ്രവർത്തകൻ തൃക്കരിപ്പൂർ മധുരംകൈയിലെ വി.വി. രാഘവനെ പരിസ്ഥിതിദിനത്തിൽ ആദരിക്കുന്നു.
കാൻഫെഡിന്റെയും തൃക്കരിപ്പൂർ കെ. ചന്ദ്രശേഖരൻ സ്മാരക ഗ്രന്ഥാലയത്തിന്റെയും നേതൃത്വത്തിൽ നൽകുന്ന പുരസ്കാര വിതരണം തിങ്കളാഴ്ച ഉച്ചക്ക് രണ്ടിന് മധുരംകൈയിലെ അദ്ദേഹത്തിന്റെ വസതിയിൽ നടക്കും.
തൃക്കരിപ്പൂർ പഞ്ചായത്ത് പ്രസിഡന്റ് വി.കെ. ബാവ പുരസ്കാരം നൽകും. തൃക്കരിപ്പൂർ- പയ്യന്നൂർ പാതയിൽ പടർന്നുപന്തലിച്ചുനിൽക്കുന്ന മരങ്ങളുടെ പിന്നിൽ വി.വി. രാഘവന്റെ കൈയൊപ്പുണ്ട്. അദ്ദേഹം പാതയോരങ്ങളിൽ മരങ്ങൾ നട്ടുനനച്ച്‌ സംരക്ഷിച്ചു.
നിത്യവും സൈക്കിളിൽ ചെന്ന് അവയെ പരിപാലിച്ചു. സൈക്കിൾ നിറയെ വൃക്ഷത്തൈകൾ ഇടം നേടി. ആവശ്യക്കാർക്ക് സന്തോഷത്തോടെ ചെടികൾ എത്തിച്ച്‌ വീട്ടുവളപ്പിൽ നട്ടുകൊടുത്തു. സോഷ്യലിസ്റ്റും എൽ.ജെ.ഡി. നേതാവുമാണ് വി.വി. രാഘവൻ.
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..