കാഞ്ഞങ്ങാട് നടന്ന ഡോ. റെജിന അനുസ്മരണം ഇ.ചന്ദ്രശേഖരൻ എം.എൽ.എ. ഉദ്ഘാടനംചെയ്യുന്നു
കാഞ്ഞങ്ങാട് : നെഹ്രു ആർട്സ് ആൻഡ് സയൻസ് കോളേജ് മുൻ അധ്യാപിക ഡോ. റെജിനയുടെ 10-ാം ചരമവാർഷിക അനുസ്മരണം ഇ.ചന്ദ്രശേഖരൻ എം.എൽ.എ. ഉദ്ഘാടനം ചെയ്തു. കോളേജ് പ്രിൻസിപ്പൽ ഡോ. കെ.വി.മുരളി അധ്യക്ഷനായിരുന്നു.
മികച്ച സാമൂഹിക സേവനത്തിന് കാഞ്ഞങ്ങാട് നന്മമരത്തിന് 10,000 രൂപയും പ്രശംസാപത്രവും ഫലകവും നഗരസഭാധ്യക്ഷ കെ.വി.സുജാത സമ്മാനിച്ചു.
നിർധനർക്കുള്ള വസ്ത്ര കിറ്റ് വിതരണവും നടന്നു. കോളേജ് മുൻ പ്രിൻസിപ്പൽ ഡോ. വി.ഗംഗാധരൻ അനുസ്മരണ പ്രഭാഷണം നടത്തി. മോൺ. മാത്യു ഇളംതുരുത്തിപ്പടവിൽ, വൈ.എം.സി.എ. വൈസ് പ്രസിഡന്റ് മാനുവൽ കുറിച്ചിത്താനം, രാഘവൻ കുളങ്ങര, റെജിന ട്രസ്റ്റ്‌ ചെയർമാൻ ഡോ. ടിറ്റോ ജോസഫ്, ആന്റോ പടയാട്ടിൽ എന്നിവർ സംസാരിച്ചു.
ജില്ലാ ആസ്പത്രിയിൽ സമൂഹ രക്തദാനവും കാഞ്ഞങ്ങാട് വ്യാപാരഭവനിൽ അർബുദബോധവത്കരണ ക്ലാസും നടന്നു.
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..