പേരയത്തുനടന്ന സ്വയംതൊഴിൽ സംരംഭക സെമിനാർ ബ്ലോക്ക് പഞ്ചായത്ത് പ്രസിഡന്റ് ജയദേവി മോഹൻ ഉദ്ഘാടനം ചെയ്യുന്നു
പേരയം : സംസ്ഥാന സർക്കാരിന്റെ ലക്ഷം സ്വയംതൊഴിൽ സംരംഭകപദ്ധതിയുടെ ഭാഗമായി പേരയം ഗ്രാമപ്പഞ്ചായത്തും വ്യവസായവികസന വകുപ്പും സംയുക്തമായി സെമിനാർ നടത്തി.
സൂക്ഷ്മ-ചെറുകിട-ഇടത്തരം സംരംഭങ്ങൾക്ക് സർക്കാർ സബ്സിഡിയോടെ സ്വയംതൊഴിൽ തുടങ്ങാൻ സാമ്പത്തികസഹായം ലഭ്യമാക്കുന്നതാണ് പദ്ധതി. പേരയം പഞ്ചായത്ത് പ്രസിഡൻറ് അനീഷ് പടപ്പക്കരയുടെ അധ്യക്ഷതയിൽ നടന്ന സെമിനാർ ചിറ്റുമല ബ്ലോക്ക് പഞ്ചായത്ത് പ്രസിഡന്റ് ജയദേവി മോഹൻ ഉദ്ഘാടനം ചെയ്തു.
തുടർന്ന് 'സംരംഭകത്വവും ബാങ്കിങ്ങും' എന്ന വിഷയത്തെക്കുറിച്ച് യൂണിയൻ ബാങ്ക് കൊല്ലം ചീഫ് മാനേജർ ശ്യാം സുന്ദർ, 'സംരംഭങ്ങളും വ്യവസായ വകുപ്പും' എന്ന വിഷയത്തിൽ ചിറ്റുമല ബ്ലോക്ക് വ്യവസായവികസന ഓഫീസർ പി.എസ്.കണ്ണനുണ്ണി, സംരംഭങ്ങളും ലൈസൻസും എന്ന വിഷയത്തിൽ പദ്ധതിയുടെ ഇന്റൺ ടെസി സജി എന്നിവർ ക്ലാസുകൾ നയിച്ചു. പദ്ധതിയുടെ ഭാഗമായി ഉത്‌പാദനമേഖലയിൽ 22 പദ്ധതികളും സേവനമേഖലയിൽനിന്ന് 7 പദ്ധതികളും ആദ്യഘട്ടത്തിൽ അപേക്ഷകർക്ക് തിരഞ്ഞെടുക്കാം.
അപേക്ഷകർ വിശദമായപദ്ധതി റിപ്പോർട്ടുകൾ സഹിതം പഞ്ചായത്തുമായി ബന്ധപ്പെടണം. സ്ഥിരംസമിതി അധ്യക്ഷരായ വൈ.ചെറുപുഷ്പം, ബി.സുരേഷ്, പഞ്ചായത്തംഗങ്ങളായ എൻ.ഷേർളി, ബി.സ്റ്റാഫോർഡ്, ബിനോയി ജോർജ്, പി.രമേശ്കുമാർ, വിനോദ് പാപ്പച്ചൻ, റെയ്ച്ചൽ ജോൺസൺ, സിൽവിയ സെബാസ്റ്റ്യൻ എന്നിവർ നേതൃത്വം നൽകി.
.jpg?$p=430c1f1&q=0.8&f=16x11&w=104)
%20(1).jpg?$p=dbe14a0&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..