പേരയം :പേരയം പഞ്ചായത്തിന്റെയും തൊഴിലുറപ്പ് വിഭാഗത്തിന്റെയും നേതൃത്വത്തിൽ നടപ്പാക്കുന്ന നീർത്തടാധിഷ്ഠിത സമഗ്രവികസനപരിപാടിയായ നീരുറവ് പദ്ധതിയുടെ ഭാഗമായി ജലനടത്തം സംഘടിപ്പിച്ചു.
അയ്യൻകോയിക്കൽ തോടിനു സമാന്തരമായാണ് ജലനടത്തം സംഘടിപ്പിച്ചത്. കുമ്പളം നീർത്തടത്തിന്റെ ഭാഗമായ പേരയം പഞ്ചായത്ത് 5, 6, 8, 9, 10 വാർഡുകളിലെ ജനപ്രതിനിധികളും തൊഴിലുറപ്പുതൊഴിലാളികളും സാമൂഹികപ്രവർത്തകരും കുടുംബശ്രീ അംഗങ്ങളും ഗ്രന്ഥശാലാ പ്രവർത്തകരുമടക്കം വൻ ജനപങ്കാളിത്തത്തോടെയാണ് പരിപാടി നടന്നത്.
വാദ്യമേളങ്ങളും നാടൻകലാരൂപങ്ങളും ജലനടത്തത്തിന്റെ ഭാഗമായി അണിനിരന്നു. അയ്യൻകോയിക്കൽ തോട് അഷ്ടമുടിക്കായലിൽ ചേരുന്ന ഓണമ്പലം ലാൻഡിങ്‌ സെൻററിൽനിന്ന് ആരംഭിച്ച ജലനടത്തം തോടിന്റെ ഉദ്‌ഭവസ്ഥാനമായ മുളവനയിൽ അവസാനിച്ചു.
പഞ്ചായത്ത് പ്രസിഡൻറ് അനീഷ് പടപ്പക്കര ഉദ്ഘാടനം ചെയ്തു. റെയ്ച്ചൽ ജോൺസൺ അധ്യക്ഷത വഹിച്ചു.
ചിറ്റുമല ബ്ലോക്ക് അംഗം അരുൺ അലക്സ്, പഞ്ചായത്ത് ആരോഗ്യ സ്ഥിരം സമിതി അധ്യക്ഷൻ ബി.സുരേഷ്, പഞ്ചായത്ത് അംഗങ്ങളായ ബിനോയി ജോർജ്, വിനോദ് പാപ്പച്ചൻ, എൻ.ഷേർളി, ബി.സ്റ്റാഫോർഡ്, പി.രമേശ്കുമാർ, ലതാ ബിജു, ജോയൻറ് ബി.ഡി.ഒ. ലീന എന്നിവർ പ്രസംഗിച്ചു.
.jpg?$p=430c1f1&q=0.8&f=16x11&w=104)
%20(1).jpg?$p=dbe14a0&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..