തൊടിയൂർ പഞ്ചായത്തിൽ കോൺഗ്രസ് അംഗങ്ങൾ പഞ്ചായത്ത് സെക്രട്ടറിയെ ഉപരോധിക്കുന്നു
കരുനാഗപ്പള്ളി : തൊടിയൂർ ഗ്രാമപ്പഞ്ചായത്തിലെ രൂക്ഷമായ കുടിവെള്ളക്ഷാമത്തിന് പരിഹാരം ആവശ്യപ്പെട്ട് ഒഴിഞ്ഞകുടവുമായി കോൺഗ്രസ് പഞ്ചായത്ത് അംഗങ്ങൾ പഞ്ചായത്ത് സെക്രട്ടറിയുടെ ഓഫീസിൽ ഉപരോധസമരം നടത്തി.
പൊതുജലവിതരണത്തെ മാത്രം ആശ്രയിച്ചു കഴിഞ്ഞിരുന്നവർക്ക് കുടിവെള്ളം കിട്ടാത്ത അവസ്ഥയായി. കടുത്ത വേനലിൽ ഒട്ടുമിക്ക കിണറുകളും വറ്റിവരണ്ടു. അടിയന്തരമായി ടാങ്കറിൽ കുടിവെള്ളം നൽകണമെന്ന് പഞ്ചായത്ത് കമ്മിറ്റിയിൽ ഉൾപ്പെടെ ആവശ്യപ്പെട്ടെങ്കിലും പരിഹാരം ഉണ്ടായില്ലെന്നും ഈ സാഹചര്യത്തിലാണ് സമരത്തിലേക്ക് കടന്നതെന്നും യു.ഡി.ഫ്. പാർലമെന്ററി പാർട്ടി ലീഡർ തൊടിയൂർ വിജയൻ പറഞ്ഞു.
13 വാർഡുകളിൽ കുടിവെള്ളക്ഷാമം അതിരൂക്ഷമാണ്. അടിയന്തര പരിഹാരം ഉണ്ടായില്ലെങ്കിൽ ശക്തമായ സമരം തുടങ്ങുമെന്നും അദ്ദേഹം അറിയിച്ചു.
ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ സി.ഒ.കണ്ണൻ, ഗ്രാമപ്പഞ്ചായത്ത് അംഗങ്ങളായ ഷാനിമോൾ പുത്തൻവീട്, തൊടിയൂർ വിജയകുമാർ, പുളിമൂട്ടിൽ ശുഭകുമാരി, ബിന്ദു വിജയകുമാർ, കെ.ധർമദാസ്, ടി.ഇന്ദ്രൻ, സഫീന അസീസ്, രവീന്ദ്രനാഥ് എന്നിവർ നേതൃത്വം നൽകി.
എത്രയും വേഗം ടാങ്കറിൽ കുടിവെള്ളം എത്തിക്കാമെന്ന്‌ പഞ്ചായത്ത് സെക്രട്ടറി ഉറപ്പ് നൽകിയതായി സമരക്കാർ പറഞ്ഞു.
.jpg?$p=08e4011&q=0.8&f=16x11&w=104)
.jpg?$p=0addcd3&q=0.8&f=16x11&w=104)
.jpg?$p=c33b29b&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..