എൻ.എസ്.എസ്. കരുനാഗപ്പള്ളി താലൂക്ക് യൂണിയൻ പ്രവർത്തകസമ്മേളനം ഖജാൻജി എൻ.വി.അയ്യപ്പൻ പിള്ള ഉദ്ഘാടനം ചെയ്യുന്നു
കരുനാഗപ്പള്ളി :എൻ.എസ്.എസ്. കരുനാഗപ്പള്ളി താലൂക്ക് കരയോഗ യൂണിയൻ പ്രവർത്തകസമ്മേളനം ചേർന്നു. തേവർക്കാവ് ക്ഷേത്ര ഓഡിറ്റോറിയത്തിൽ നടന്ന സമ്മേളനം എൻ.എസ്.എസ്. ട്രഷററും താലൂക്ക് യൂണിയൻ പ്രസിഡന്റുമായ എൻ.വി.അയ്യപ്പൻ പിള്ള ഉദ്ഘാടനംചെയ്തു.
എൻ.എസ്.എസ്. യൂണിയനിലെ കരയോഗങ്ങൾ, വനിതാസമാജങ്ങൾ, വനിതാ സ്വയംസഹായസംഘങ്ങൾ, ബാലസമാജങ്ങൾ, ആധ്യാത്മികേന്ദ്രങ്ങൾ, ഹ്യൂമൻ റിസോഴ്സ് സെല്ലുകൾ എന്നിവയുടെ പ്രവർത്തനം കൂടുതൽ കാര്യക്ഷമമാക്കുന്നതിനുള്ള കർമപരിപാടികൾ യോഗത്തിൽ തീരുമാനിച്ചു. വിവിധ തലത്തിലുള്ള സംഘടനാ പ്രവർത്തനങ്ങൾ വിശദീകരിച്ചു. കരുനാഗപ്പള്ളി നഗരത്തിൽ യൂണിയൻ വിലയ്ക്കുവാങ്ങിയ ഭൂമിയിൽ എല്ലാ അടിസ്ഥാന സൗകര്യങ്ങളോടുംകൂടിയ പുതിയ മന്ദിരം നിർമിക്കുന്നതിനെക്കുറിച്ച് യോഗം ആലോചിച്ചു.
യൂണിയൻ വൈസ് പ്രസിഡൻറ്‌ ടി.സത്യവ്രതൻ പിള്ള അധ്യക്ഷതവഹിച്ചു. യൂണിയൻ കമ്മിറ്റി അംഗങ്ങൾ, എൻ.എസ്.എസ്. പ്രതിനിധിസഭാ അംഗങ്ങൾ, യൂണിയനിലെ 153 കരയോഗങ്ങളിലെയും പ്രസിഡൻറുമാർ, സെക്രട്ടറിമാർ, യൂണിയൻ പ്രതിനിധികൾ, എൻ.എസ്.എസ്. കോ-ഓർഡിനേറ്റർമാർ, യൂണിയൻ സ്റ്റാഫ് അംഗങ്ങൾ, തുടങ്ങിയവർ പങ്കെടുത്തു.
യൂണിയൻ സെക്രട്ടറി ആർ.ദീപു, യൂണിയൻ ഇൻസ്പെക്ടർ വി.ഹരികൃഷ്ണൻ എന്നിവർ സംസാരിച്ചു.
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..