കരുനാഗപ്പള്ളി : അബ്ദുൽ നാസർ മഅദനിയുടെ മോചനത്തിന് സർക്കാർ ഇടപെടണമെന്ന് ആവശ്യപ്പെട്ട് വെൽഫെയർ പാർട്ടി ജില്ലാ കമ്മിറ്റി കരുനാഗപ്പള്ളിയിൽ പ്രതിഷേധസംഗമം നടത്തി. ദേശീയ വൈസ് പ്രസിഡന്റ് ഹമീദ് വാണിയമ്പലം ഉദ്ഘാടനംചെയ്തു.
ഗുരുതരമായ ആരോഗ്യപ്രശ്നങ്ങൾ കാരണം ബുദ്ധിമുട്ടുന്ന മഅദനിക്ക് കേരളത്തിൽ വിദഗ്ധചികിത്സ ലഭ്യമാക്കാൻ മുഖ്യമന്ത്രിയുടെ നേതൃത്വത്തിലുള്ള സർവകക്ഷിയോഗം അടിയന്തര ഇടപെടൽ നടത്തണമെന്ന് അദ്ദേഹം ആവശ്യപ്പെട്ടു. ജില്ലാ ജനറൽ സെക്രട്ടറി ഇസ്മായിൽ ഖനി അധ്യക്ഷതവഹിച്ചു. യൂത്ത് കോൺഗ്രസ് സംസ്ഥാന ജനറൽ സെക്രട്ടറി മഞ്ജുക്കുട്ടൻ, ജനതാദൾ (എസ്) ജില്ലാ പ്രസിഡന്റ് സി.കെ.ഗോപി, വെൽഫെയർ പാർട്ടി ആലപ്പുഴ ജില്ലാ പ്രസിഡന്റ് നാസർ ആറാട്ടുപുഴ, എഫ്.ഐ.ടി.യു. ജില്ലാ പ്രസിഡന്റ് അബ്ദുൽ സമദ് പുള്ളിയിൽ, െഫ്രറ്റേണിറ്റി മൂവ്‌മെന്റ് ജില്ലാ പ്രസിഡന്റ് ഷാൻ സംബ്രമം, വെൽഫെയർ പാർട്ടി ജില്ലാ ട്രഷറർ എസ്.സജീബ്, ജില്ലാ വൈസ് പ്രസിഡന്റ് ഡോ. അശോക് ശങ്കർ, ജില്ലാ സെക്രട്ടറിമാരായ എസ്.എം.മുഖ്താർ, കബീർ പോരുവഴി എന്നിവർ സംസാരിച്ചു.
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..