കേരള പോലീസ് അസോസിയേഷൻ, കേരള പോലീസ് ഓഫീസേഴ്‌സ് അസോസിയേഷൻ കൊല്ലം സിറ്റി, റൂറൽ ജില്ലാ കമ്മിറ്റികളുടെ നേതൃത്വത്തിൽ നടന്ന കുടുംബസഹായനിധി വിതരണം എ.എം.ആരിഫ് എം.പി. ഉദ്ഘാടനം ചെയ്യുന്നു
കരുനാഗപ്പള്ളി :കേരളത്തിലെ പോലീസ് സംഘടനകൾ നടത്തുന്ന ക്ഷേമപ്രവർത്തനങ്ങൾ മാതൃകാപരമാണെന്ന് എ.എം.ആരിഫ് എം.പി. പറഞ്ഞു. കോവിഡ് കാലത്ത് ഉൾപ്പെടെ അതു തെളിയിക്കപ്പെട്ടതാണെന്നും അദ്ദേഹം പറഞ്ഞു.
സർവീസിലിരിക്കെ മരിച്ച കരുനാഗപ്പള്ളി പോലീസ് സ്റ്റേഷനിലെ സിവിൽ പോലീസ് ഓഫീസർ സാബുവിന്റെ കുടുംബത്തിന് കേരള പോലീസ് അസോസിയേഷൻ, കേരള പോലീസ് ഓഫീസേഴ്‌സ് അസോസിയേഷൻ കൊല്ലം സിറ്റി, റൂറൽ ജില്ലാ കമ്മിറ്റികളുടെ നേതൃത്വത്തിൽ 10 ലക്ഷം രൂപ കുടുംബസഹായനിധി നൽകുന്ന ചടങ്ങ് ഉദ്ഘാടനം ചെയ്യുകയായിരുന്നു അദ്ദേഹം.
കരുനാഗപ്പള്ളി ടൗൺ ക്ലബ്ബിൽ നടന്ന ചടങ്ങിൽ കെ.പി.ഒ.എ. സിറ്റി ജില്ലാ പ്രസിഡന്റ് അജയകുമാർ അധ്യക്ഷതവഹിച്ചു. നഗരസഭാധ്യക്ഷൻ കോട്ടയിൽ രാജു, അസിസ്റ്റന്റ് പോലീസ് കമ്മിഷണർ പി.പ്രതീപ് കുമാർ, കേരള പോലീസ് ഓഫീസേഴ്‌സ് അസോസിയേഷൻ ജനറൽ സെക്രട്ടറി സി.ആർ.ബിജു, കേരള പോലീസ് അസോസിയേഷൻ സംസ്ഥാന ജോയന്റ് സെക്രട്ടറി ഇ.വി.പ്രദീപൻ, കെ.സുനി, എം.ബദറുദ്ദീൻ, ആർ.സാജു, എസ്.ഷൈജു, എൽ.വിജയൻ തുടങ്ങിയവർ സംസാരിച്ചു.
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..