തെന്മല :ലോക ജലദിനത്തോടനുബന്ധിച്ച് സി.പി.എം. തെന്മല ലോക്കൽ കമ്മിറ്റിയുടെ നേതൃത്വത്തിൽ കുരങ്ങുകൾക്കും പക്ഷികൾക്കും കുടിവെള്ളമൊരുക്കി. ഡാമിനുസമീപം വിനോദസഞ്ചാരമേഖലയിൽ ചുറ്റിത്തിരിഞ്ഞ കുരങ്ങുകൾക്കാണ് കുടിവെള്ളവും തണ്ണിമത്തനും നൽകിയത്.
ബുധനാഴ്ചമുതൽ ലോക പരിസ്ഥിതിദിനമായ ജൂൺ അഞ്ചുവരെ കുടിവെള്ളവും പഴവർഗങ്ങളും നൽകുന്നത് തുടരാനും സി.പി.എം. തെന്മല ലോക്കൽ കമ്മിറ്റി തീരുമാനിച്ചു. സി.പി.എം. ജില്ലാ സെക്രട്ടേറിയറ്റ് അംഗം എസ്.ജയമോഹൻ ഉദ്ഘാടനം ചെയ്തു. സി.പി.എം. തെന്മല ലോക്കൽ കമ്മിറ്റി സെക്രട്ടറി ആർ.സുരേഷ്, ലോക്കൽ കമ്മിറ്റി അംഗങ്ങളായ സന്തോഷ്, ആർ.ബാബു, ബോർഡ് അംഗം മോഹൻദാസ് എന്നിവർ നേതൃത്വം നൽകി.
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..