അച്ചൻകോവിലിൽ പ്രീ-മെട്രിക് ഹോസ്റ്റൽ ഉദ്ഘാടനം മന്ത്രി കെ.രാധാകൃഷ്ണൻ നിർവഹിക്കുന്നു
തെന്മല :പട്ടികവർഗ വികസനവകുപ്പിനു കീഴിൽ അച്ചൻകോവിലിൽ പെൺകുട്ടികൾക്കായുള്ള പ്രീ-മെട്രിക് ഹോസ്റ്റൽ കെട്ടിടം പട്ടികജാതി-വർഗ വികസനവകുപ്പ് മന്ത്രി കെ.രാധാകൃഷ്ണൻ ഉദ്ഘാടനം ചെയ്തു. പി.എസ്.സുപാൽ എം.എൽ.എ. അധ്യക്ഷനായി. എൻ.കെ.പ്രേമചന്ദ്രൻ എം.പി., മുൻ മന്ത്രി കെ.രാജു എന്നിവർ പങ്കെടുത്തു. കിഫ്ബി പദ്ധതിയിൽ ഉൾപ്പെടുത്തി 4.80 കോടി ചെലവിൽ കേരള സ്റ്റേറ്റ് കൺസ്ട്രക്‌ഷൻ കോർപ്പറേഷൻ മുഖേനയാണ് കെട്ടിടനിർമാണം പൂർത്തീകരിച്ചത്. ഒരുവർഷമായിട്ടും കെട്ടിടം തുറന്നുനൽകാത്തതും കുട്ടികളുടെ ബുദ്ധിമുട്ടും 'മാതൃഭൂമി' പലതവണ വാർത്തയാക്കിയിരുന്നു.
മൂന്നുനിലകളിലായി നിർമിച്ച കെട്ടിടത്തിൽ 100 പേർക്ക് താമസിക്കാനുള്ള സൗകര്യമുണ്ട്. താഴത്തെ നിലയിൽ റിക്രിയേഷൻ റൂം, അടുക്കള, സ്റ്റാഫ് റൂം, വർക്ക് ഏരിയ, ഡൈനിങ് ഹാൾ, സന്ദർശനമുറി എന്നിവയും ഒന്നാമത്തെ നിലയിൽ ഡോർമിറ്ററി, വായനശാല, പഠനമുറി എന്നിവയുമാണ്‌ സജ്ജീകരിച്ചിരിക്കുന്നത്‌. രണ്ടാമത്തെ നിലയിൽ ഡോർമിറ്ററിമാത്രം.
പഴയ കെട്ടിടം പൊളിച്ച സ്ഥലത്താണ് പുതിയത് നിർമിച്ചത്. ഹോസ്റ്റലിൽ മുമ്പ് തങ്ങിയിരുന്നവരെ ദൂരെയുള്ള മറ്റു ഹോസ്റ്റലുകളിലേക്ക് മാറ്റിയിരുന്നു. കെട്ടിടം തുറന്നതോടെ കുട്ടികൾ തിരികെയെത്തും.
ചടങ്ങിൽ ജില്ലാപഞ്ചായത്ത് പ്രസിഡൻറ് ഡോ. പി.കെ.ഗോപൻ, പട്ടികവർഗ വികസനവകുപ്പ് ഡയറക്ടർ ഡി.ആർ.മേഘശ്രീ, ബ്ലോക്ക് പ്രസിഡൻറ് രാധാ രാജേന്ദ്രൻ, ആര്യങ്കാവ് ഗ്രാമപ്പഞ്ചായത്ത് പ്രസിഡൻറ് സുജാ തോമസ്, ജില്ലാപഞ്ചായത്ത് അംഗം കെ.അനിൽകുമാർ, ബ്ലോക്ക് അംഗം ലേഖാ ഗോപാലകൃഷ്ണൻ, സീമ സന്തോഷ്, സാനു ധർമരാജ്, സുരേഷ് ബാബു തുടങ്ങിയവർ പ്രസംഗിച്ചു.
അപ്ഡേറ്റായിരിക്കാം, വാട്സാപ്പ്
ചാനൽ ഫോളോ ചെയ്യൂ
അപ്ഡേറ്റുകൾ വേഗത്തിലറിയാൻ ഫോളോ ചെയ്തശേഷം നോട്ടിഫിക്കേഷൻ ഓൺ ചെയ്യൂ
RELATED STORIES
.jpg?$p=fa3fc08&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..