വാകത്താനം : വള്ളിക്കാട്ട് ദയറായിൽ കബറടങ്ങിയ ദയറായുടെ മുൻമാനേജരും ഇടുക്കി ഭദ്രാ സനമെത്രാപ്പോലീത്തയുമായിരുന്നു ഔഗേൻ മാർ ദീവന്നാസിയോസിന്റെ 15-ാം ഓർമപ്പെരുന്നാൾ ഞായർ, തിങ്കൾ ദിവസങ്ങളിൽ നടക്കും. ശനിയാഴ്ച രാവിലെ ഏഴിന് കോട്ടയം ഭദ്രാസന സെക്രട്ടറി ഫാ. പി.കെ. കുറിയാക്കോസ് പണ്ടാരക്കുന്നേൽ കുർബ്ബാന അർപ്പിക്കും. ഞായറാഴ്ച രാവിലെ ഏഴിന് കുർബ്ബാനയ്ക്കും പെന്തിക്കോസ്തി ശുശ്രൂഷയ്ക്കും ഡോ.യൂഹാനോൻ മാർ ദീയസ്ക്കോറസ് മുഖ്യകാർമികത്വം വഹിക്കും. വൈകീട്ട് ആറിന് ഇടുക്കി ഭദ്രാസനത്തിൽനിന്ന് റാന്നിയിൽനിന്നുമുള്ള വിശ്വാസികളെ ദയറാമാനേജർ ഫാ.അലക്സാണ്ടർ പി. ഡാനിയേൽ സ്വീകരിക്കും. 6.30-ന് സന്ധ്യാനമസ്കാരത്തിന് പരിശുദ്ധ ബസ്സേലിയോസ് മാർത്തോമ്മ മാത്യൂസ് തൃതീയൻ കാതോലിക്കാബാവാ പ്രധാന കാർമികത്വംവഹിക്കും. സഭാ വർക്കിങ് കമ്മിറ്റിയംഗം പ്രൊഫ.ജേക്കബ് കുര്യൻ ഓണാട്ട് അനുസ്മരണ പ്രസംഗം നടത്തും. പ്രദക്ഷിണം, വാഴ്‌വ്, ശ്രാദ്ധസദ്യ എന്നിവയുണ്ട്.
തിങ്കളാഴ്ച രാവിലെ 7.30-ന് വി. മുന്നിന്മേൽ കുർബ്ബാനയ്ക്കു ബാവാ മുഖ്യകാർമികനാകും. കബറിങ്കൽ ധൂപ പ്രാർഥന, ആശിർവാദം, നേർച്ചവിളമ്പ് എന്നിവയോടെ ഓർമപ്പെരുന്നാൾ.
.jpg?$p=430c1f1&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..