അരുവിത്തുറ : പ്രാദേശികമായി മഴവ്യാപനത്തിന്റെ അളവ് തിട്ടപ്പെടുത്തി കൃത്യമായ സൂചനകൾ പൊതുജനത്തിനു നൽകുക ഉൾപ്പെടെ വിവിധ ലക്ഷ്യങ്ങളോടെ അരുവിത്തുറ സെന്റ് ജോർജ് കോളേജിൽ ജലചേതനാ പദ്ധതിക്ക് തുടക്കമായി. കോളേജ് ഐ.ക്യു.എ.സിയുടെ ആഭിമുഖ്യത്തിൽ മീനച്ചിൽ നദീ സംരക്‌ഷണസമിതിയും കോൾ സയൻസ് ഫൗണ്ടേഷനും ചേർന്നാണ് പദ്ധതി നടപ്പാക്കുന്നത്.
ആർ. വേണുഗോപാൽ ഗവേഷണഫണ്ടുപയോഗിച്ച് മീനച്ചിൽ റിവർ റെയിൻ മോനിട്ടറിങ് നെറ്റ്‌വർക്കിന്റെ പിൻതുണയോടെയാണ് പദ്ധതി നടപ്പാക്കുന്നത്.
പദ്ധതിയുടെ ഉദ്ഘാടനം പുണെ ഇന്ത്യൻ ഇൻസ്റ്റിറ്റ്യൂട്ട് ഓഫ് ട്രോപ്പിക്കൽ മെറ്റിറോളജിയിലെ കാലാവസ്ഥ ശാസ്ത്രജ്ഞൻ ഡോ. റോക്‌സി മാത്യു കോൾ നിർവഹിച്ചു.
പദ്ധതിയുടെ വിവിധ പ്രാരംഭ പ്രവർത്തനങ്ങൾക്ക് നേതൃത്വം നൽകിയ വിദ്യാർഥികളെ ചടങ്ങിൽ ആദരിച്ചു. കോളേജ് മാനേജർ റവ. ഡോ. അഗസ്റ്റ്യൻ പാലക്കാപറമ്പിൽ അധ്യക്ഷത വഹിച്ചു.
പ്രിൻസിപ്പൽ ഡോ. സിബി ജോസഫ്, കോളേജ് ബർസാർ ഫാ. ജോർജ് പുല്ലുകാലായിൽ, വൈസ് പ്രിൻസിപ്പൽ ഡോ. ജിലു ആനി ജോൺ, മീനച്ചിൽ നദീസംരക്ഷണ സമിതി പ്രസിഡന്റ് ഡോ. എസ്. രാമചന്ദ്രൻ നായർ, അധ്യാപകരായ പ്രൊഫ. മിഥുൻ ജോൺ, ഡോ. സുമേഷ് ജോർജ് എന്നിവർ പ്രസംഗിച്ചു.
.jpg?$p=b12b9b8&q=0.8&f=16x11&w=104)
.jpg?$p=430c1f1&q=0.8&f=16x11&w=104)
.jpg?$p=69709a7&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..