കാണക്കാരി : 2348-ാംനമ്പർ കാണക്കാരി എസ്.എൻ.ഡി.പി. ശാഖായോഗം വക ഗുരുദേവ ക്ഷേത്രത്തിൽ ശ്രീനാരായണഗുരു ജയന്തിയാഘോഷം ഘോഷയാത്രയോടും സാംസ്‌കാരിക സമ്മേളനത്തോടുംകൂടിനടന്നു. ശാഖാങ്കണത്തിൽ പ്രസിഡന്റ് പി.പുരുഷോത്തമൻ പതാക ഉയർത്തി. യൂത്ത്മൂവ്‌മെന്റ് പ്രസിഡന്റ് ബേബിരാജിന്റെ നേതൃത്വത്തിൽ വിളംബര ഘോഷയാത്ര നടത്തി. ചതയദിനസദ്യ ക്ഷേത്ര ഓഡിറ്റോറിയത്തിൽ നടന്നു.
വൈകീട്ട്‌ പട്ടിത്താനം റൗണ്ടാനയിൽനിന്ന് ശാഖ പോഷകസംഘടനാ ഭാരവാഹികളായ പി.പുരുഷോത്തമൻ, വിജേഷ് ഗോപി, എസ്.സുരേന്ദ്രൻ, പ്രദീപ് കുമാർ, പി.ജി.ഷിനോയ്, റെജിമോൻ, ശാരദാ ശശി, ബിന്ദു വിജയൻ എന്നിവരുടെ നേതൃത്വത്തിൽ ചെണ്ടമേളം, പമ്പമേളം, നിലക്കാവടി, ഗുരുദേവന്റെ തിടമ്പ് വഹിച്ചുകൊണ്ടുള്ള രഥം എന്നിവയുടെ അകമ്പടിയോടെ നടന്ന വർണശബളമായ ഘോഷയാത്ര, ആശുപത്രിപ്പടി, അമ്പലം ജങ്ഷൻ, ടൗൺ ജങ്ഷൻ ചുറ്റി ക്ഷേത്ര അങ്കണത്തിലെത്തി. തുടർന്ന് നടന്ന സാംസ്‌കാരിക സമ്മേളനം കോട്ടയം യൂണിയൻ സെക്രട്ടറി ആർ.രാജീവ് ഉദ്ഘാടനം ചെയ്തു. മഹാത്മാ ഗാന്ധി യൂണിവേഴ്‌സിറ്റി വൈസ്ചാൻസലർ ഡോ. സാബു എം.തോമസ് മുഖ്യപ്രഭാഷണം നടത്തി.
പരീക്ഷകളിൽ ഉന്നതവിജയം നേടിയ വിദ്യാർഥികൾക്ക് എസ്.എൻ.ഡി.പി. ശാഖ ഏർപ്പെടുത്തിയ ക്യാഷ് അവാർഡുകൾ വിതരണംചെയ്തു. സംഗീത സംവിധായകൻ ജെയ്‌സൺ ജെ.നായർ, വനിതാസംഘം കോട്ടയം യൂണിയൻ പ്രസിഡന്റ് ഇന്ദിരാ രാജപ്പൻ, പഞ്ചായത്ത് മെമ്പർമാരായ ത്രേസ്യാമ്മ സെബാസ്റ്റ്യൻ, വി.ജി.അനിൽകുമാർ, ശാഖാ സെക്രട്ടറി വിജേഷ് ഗോപി എന്നിവർ പ്രസംഗിച്ചു.
.jpg?$p=b12b9b8&q=0.8&f=16x11&w=104)
.jpg?$p=430c1f1&q=0.8&f=16x11&w=104)
.jpg?$p=69709a7&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..