Caption
അരുവിത്തുറ : അരുവിത്തുറ സെന്റ് ജോർജ് കോളേജിൽ നടത്തിയ അരുവിത്തുറ വോളി ചാമ്പ്യൻഷിപ്പിൽ പുരുഷ വിഭാഗത്തിൽ കോലഞ്ചേരി സെന്റ് പീറ്റേഴ്‌സ് കോളേജും വനിതാ വിഭാഗത്തിൽ ചങ്ങനാശ്ശേരി അസംപ്ഷൻ കോളേജും ജേതാക്കളായി.
പുരുഷ വിഭാഗം ഫൈനലിൽ അരുവിത്തുറ സെന്റ് ജോർജ് കോളേജിനെ രണ്ടിനെതിരേ മൂന്ന് സെറ്റുകൾക്ക് പരാജയപ്പെടുത്തിയാണ് കോലഞ്ചേരി കോളേജ് ജേതാക്കളായത്.
വനിതാ വിഭാഗം ഫൈനലിൽ പാലാ അൽഫോൻസാ കോളേജിനെ നേരിട്ടുള്ള മൂന്ന് സെറ്റുകൾക്ക് പരാജയപ്പെടുത്തിയാണ് ചങ്ങനാശ്ശേരി കോളേജ് ജേതാക്കളായത്.
പുരുഷവിഭാഗം മത്സരത്തിലെ വിജയികൾക്ക് ഫാ.തോമസ് മണക്കാട് മെമ്മോറിയൽ എവറോളിങ് ട്രോഫി പാലാ ഡിവൈ.എസ്.പി. എ.ജെ.തോമസ് സമ്മാനിച്ചു. കോളേജ് മാനേജർ റവ.ഡോ. അഗസ്റ്റ്യൻ പാലക്കാപറമ്പിൽ, പ്രിൻസിപ്പൽ ഡോ. സിബി ജോസഫ്, ബർസാർ ഫാ.ജോർജ് പുല്ലുകാലായിൽ, ഡോ. റെജി വർഗീസ്, ഡോ. സണ്ണി വി.സക്കറിയ, മേരിക്കുട്ടി മാത്യു, വിയാനി ചാർളി തുടങ്ങിയവർ പ്രസംഗിച്ചു. വനിതാ വിഭാഗം ജേതാക്കൾക്ക് ഈരാറ്റുപേട്ട നഗരസഭാധ്യക്ഷ സുഹ്‌റാ അബ്ദുൾ ഖാദർ ഫാ.തോമസ് അരയത്തിനാൽ മെമ്മോറിയൽ എവറോളിങ് ട്രോഫി സമ്മാനിച്ചു.
ചടങ്ങിൽ പാലാ അൽഫോൻസാ കോളേജിലെ കായികവിഭാഗം മേധാവി തങ്കച്ചൻ മാത്യു, കേരള സ്റ്റേറ്റ് സ്‌പോർട്‌സ് കൗൺസിൽ കോച്ചുമാരായ എസ്.മനോജ്, അനിൽകുമാർ എന്നിവരെ ആദരിച്ചു.
.jpg?$p=b12b9b8&q=0.8&f=16x11&w=104)
.jpg?$p=69709a7&q=0.8&f=16x11&w=104)
.jpg?$p=0d09e20&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..