• ഈരാറ്റുപേട്ട മുസ്ലിം ഗേൾസ് ഹയർ സെക്കൻഡറി സ്കൂളിലെ സ്റ്റുഡന്റ് പോലീസ് കേഡറ്റുകൾ നിർമിച്ച കമ്യൂണിറ്റി പാർക്ക് നഗരസഭാധ്യക്ഷ സുഹറ അബ്ദുൽഖാദർ ഉദ്ഘാടനം ചെയ്യുന്നു
ഈരാറ്റുപേട്ട : മുസ്ലിം ഗേൾസ് ഹയർ സെക്കൻഡറി സ്കൂളിലെ സ്റ്റുഡന്റ് പോലീസ് കേഡറ്റ് യൂണിറ്റ് ക്രിസ്‌മസ് ക്യാമ്പിന്റെ ഭാഗമായി പൊതുസ്ഥലം വൃത്തിയാക്കി കമ്യൂണിറ്റി പാർക്ക് നിർമിച്ചു. ക്യാമ്പിൽനിന്ന്‌ സമൂഹത്തിന് സുസ്ഥിര വികസന മാതൃക പരിചയപ്പെടുത്തികൊണ്ടാണ് സ്റ്റുഡന്റ് പോലീസ് കേഡറ്റുകൾ പാർക്ക് നിർമിച്ചത്. വീടുകളിൽനിന്ന് കൊണ്ടുവന്ന ഉപയോഗശൂന്യമായ പ്ലാസ്റ്റിക് കുപ്പികളും ടയറുകളും ഉപയോഗിച്ച് സാമ്പത്തികചെലവ്‌ പൂർണമായും ഒഴിവാക്കിയാണ് പാർക്ക് നിർമിച്ചത്.
പൂച്ചെടികൾ നട്ട് കമ്യൂണിറ്റി പാർക്ക് മനോഹരമാക്കി. കമ്യൂണിറ്റി പാർക്കിന്റെ ഉദ്ഘാടനം ഈരാറ്റുപേട്ട നഗരസഭാധ്യക്ഷ സുഹറ അബ്ദുൽഖാദർ നിർവഹിച്ചു. വാർഡ് കൗൺസിലർ പി.എം.അബ്ദുൽ ഖാദർ, ഹെഡ്മിസ്ട്രസ് എം.പി. ലീന എന്നിവർ പ്രസംഗിച്ചു. പി.എസ്. റമീസ്, കെ.എ. ഷമീന, എം.എഫ്. അബ്ദുൽ ഖാദർ, മുഹമ്മദ് ലൈസൽ, പി.ജി. ജയൻ തുടങ്ങിയവർ നിർമാണ പ്രവർത്തനങ്ങൾക്ക് നേതൃത്വം നൽകി.
.jpg?$p=430c1f1&q=0.8&f=16x11&w=104)
.jpg?$p=a5c8c8b&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..