• ഈരാറ്റുപേട്ട നഗരോത്സവത്തിന് തുടക്കംകുറിച്ച് നടന്ന സാംസ്കാരിക ഘോഷയാത്ര
ഈരാറ്റുപേട്ട : നഗരസഭയും വ്യാപാരി വ്യവസായ ഏകോപന സമിതിയും ചേർന്ന്‌ നടത്തുന്ന നഗരോത്സവത്തിന് സാംസ്കാരിക ഘോഷയാത്രയോടെ തുടക്കമായി. ഈരാറ്റുപേട്ടയിലെ വിവിധ സ്‌കൂളുകളിലെ വിദ്യാർഥികളുടെ കലാരൂപങ്ങൾ, ടാബ്ലോകൾ, വാദ്യമേളങ്ങൾ എന്നിവ സാംസ്കാരിക ഘോഷയാത്രക്ക് കൊഴുപ്പേകി.
ഈരാറ്റുപേട്ട പി.എം.സി. ജങ്ഷനിൽനിന്നാരംഭിച്ച സാംസ്കാരിക ഘോഷയാത്രയിൽ വിദ്യാർഥികളും അധ്യാപകരും ജനപ്രതിനിധികൾ അങ്കണവാടി പ്രവർത്തകർ, ഹരിതകർമ സേന, കുടുംബശ്രീ പ്രവർത്തകർ എന്നിവരടക്കം ആയിരങ്ങൾ അണിചേർന്നു. സെബാസ്റ്റ്യൻ കുളത്തുങ്കൽ എം.എൽ.എ, നഗരസഭാധ്യക്ഷ സുഹ്‌റ അബ്ദുൽ ഖാദർ, ഉപാധ്യക്ഷൻ മുഹമ്മദ് ഇല്ല്യാസ്, ബ്ലോക്ക് പഞ്ചായത്ത് പ്രസിഡന്റ് ഓമന ഗോപാലൻ, എ.എം.എ. ഖാദർ, വി.എം. സിറാജ്, കൗൺസിലർമാർ തുടങ്ങിയവർ നേതൃത്വംനൽകി.
14 വരെ നീളുന്ന വ്യാപാരോത്സവം, പുസ്തകോത്സവം, വാണിജ്യ സ്റ്റാളുകൾ, ഭക്ഷ്യമേള, പുരാവസ്തുപ്രദർശനം, പ്രവാസി സംഗമം, ദിവസവും കലാപരിപാടികൾ എന്നിവ നഗരോത്സവത്തിന്റെ ഭാഗമായി നടത്തും. വെള്ളിയാഴ്ച വൈകീട്ട് ആറിന് സാംസ്കാരിക സമ്മേളനത്തിൽ ഹൈക്കോടതി ജഡ്ജി ജസ്റ്റിസ് ദേവൻ രാമചന്ദ്രൻ മുഖ്യാതിഥി ആയിരിക്കും. തുടർന്ന് ഗായിക റൈഹാന മുത്തു നയിക്കുന്ന ഗാനമേള.
.jpg?$p=69709a7&q=0.8&f=16x11&w=104)
.jpg?$p=0d09e20&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..