കടുത്തുരുത്തി : കടുത്തുരുത്തി സെന്റ് മൈക്കിൾസ് സ്‌കൂളിൽ ബിഷപ്പ് ചൂളപറമ്പിൽ മെമ്മോറിയൽ (ബി.സി.എം.) എവറോളിങ് ട്രോഫിക്കുവേണ്ടിയുള്ള ഇന്റർ സ്‌കൂൾ ഫുട്ബോൾ ആൻഡ് ഖോ-ഖോ ടൂർണമെന്റിന് തുടക്കമായി. കോട്ടയം കോർപ്പറേറ്റ് എജുക്കേഷണൽ ഏജൻസി സെക്രട്ടറി ഫാ. ഡോ. തോമസ് പുതിയകുന്നേലിന്റെ അധ്യക്ഷതയിൽനടന്ന യോഗത്തിൽ മുൻ ഐ.എസ്.എൽ. ചെന്നൈ എഫ്.സി. താരം ജസ്റ്റിൻ സ്റ്റീഫൻ ഉദ്ഘാടനം ചെയ്തു.
സ്‌കൂൾ മാനേജർ ഫാ. അബ്രഹാം പറമ്പേട്ട് മുഖ്യപ്രഭാഷണം നടത്തി. കടുത്തുരുത്തി പഞ്ചായത്ത് സ്റ്റാൻഡിങ് കമ്മിറ്റി അധ്യക്ഷ ജിൻസി എൽസബത്ത്, എബി കുന്നശ്ശേരി, പ്രിൻസിപ്പൽ സീമ സൈമൺ, ഹെഡ്മിസ്ട്രസ് സുജ മേരി തോമസ് എന്നിവർ പ്രസംഗിച്ചു.ഉദ്ഘാടന ദിനത്തിൽ നടന്ന ഹൈസ്‌കൂൾ വിഭാഗത്തിലെ മത്സരത്തിൽ പയ്യാവൂർ സേക്രഡ്‌ ഹാർട്ട്, കോട്ടയം സേക്രഡ്‌ഹാർട്ട്, കല്ലറ സെന്റ് തോമസ് എന്നീ സ്‌കൂളുകളും, ഹയർസെക്കൻഡറി വിഭാഗത്തിൽ കോട്ടയം സേക്രഡ്‌ ഹാർട്ട് വിജയിച്ചു.
കോട്ടയം അതിരൂപത കോർപ്പറേറ്റ് എജുക്കേഷണൽ ഏജൻസിയുടെ കീഴിലുള്ള ഹൈസ്‌കൂൾ, ഹയർസെക്കൻഡറി വിഭാഗത്തിൽപെട്ട 21 സ്‌കൂളുകളിൽനിന്നുള്ള കായിക താരങ്ങളാണ് ഫുട്ബോൾ, ഖോ-ഖോ മത്സരങ്ങളിൽ പങ്കെടുക്കുന്നത്. ഈ വർഷംമുതൽ വനിതകൾക്കായി ഖോ-ഖോ മത്സരം ഉൾപ്പെടുത്തിയിട്ടുണ്ട്. ടൂർണമെന്റ് 15-ന് സമാപിക്കും.
.jpg?$p=430c1f1&q=0.8&f=16x11&w=104)
.jpg?$p=a5c8c8b&q=0.8&f=16x11&w=104)
.jpg?$p=09e9aed&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..