സി.പി.എമ്മിന്റെ ഗൃഹസന്ദർശന പരിപാടിയുടെ ഭാഗമായി ഈരാറ്റുപേട്ട പൊന്തനാൽ സബീറിന്റെ വീട്ടിൽ സന്ദർശനം നടത്തുന്ന മന്ത്രി വി.എൻ.വാസവൻ
ഈരാറ്റുപേട്ട : ജനങ്ങൾക്ക് പറയാനുള്ളത് കേൾക്കാനും വിമർശനങ്ങളും നിർദേശങ്ങളും തേടാനും സി.പി.എമ്മിന്റെ നേതൃത്വത്തിൽ നടത്തുന്ന ഗൃഹസന്ദർശന പരിപാടിയുടെ ഭാഗമായി മന്ത്രി വി.എൻ. വാസവൻ ഈരാറ്റുപേട്ട നഗരസഭയിലെ വീടുകൾ സന്ദർശിച്ചു. രാവിലെ പത്തിനാരംഭിച്ച സന്ദർശനം വൈകീട്ട് അഞ്ചു മണിയോടെയാണ് അവസാനിച്ചത്. അരുവിത്തുറ പള്ളി, എം.ഇ.എസ്. ചെയർമാൻ പ്രൊഫ. എം.കെ. പരീത്, എ.എം.എ. ഖാദർ തുടങ്ങിയവരുടെ വീടുകളും മന്ത്രി സന്ദർശിച്ച് നിർദേശങ്ങൾ സ്വീകരിച്ചു. ഈരാറ്റുപേട്ട വാഗമൺ റോഡ് നിർമാണം, ഈരാറ്റുപേട്ടയിൽ ട്രാഫിക് യൂണിറ്റ്, പൂഞ്ഞാർ പോലീസ് സ്റ്റേഷൻ തുടങ്ങിയ ആവശ്യങ്ങൾക്ക് അടിയന്തര ഇടപെടലുകൾ സർക്കാരിന്റെ ഭാഗത്തുനിന്നുമുണ്ടാകുമെന്നും മന്ത്രി മറുപടി നൽകി. ജില്ലാ കമ്മിറ്റി അംഗങ്ങളായ ജോയി ജോർജ്, രമ മോഹൻ, ഏരിയ സെക്രട്ടറി കുര്യാക്കോസ് ജോസഫ്, ലോക്കൽ സെക്രട്ടറി പി.ആർ. ഫൈസൽ എന്നിവരും മന്ത്രിക്കൊപ്പമുണ്ടായിരുന്നു.
.jpg?$p=430c1f1&q=0.8&f=16x11&w=104)
.jpg?$p=a5c8c8b&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..