കോട്ടയം : കാർ അപകടത്തിൽപ്പെട്ട് ഗുരുതരമായി പരിക്കേറ്റ വിദ്യാർഥിനിക്ക് തെള്ളകം മാതാ ആശുപത്രിയിൽ അതിസങ്കീർണമായ ശസ്ത്രക്രിയ വിജയകരമായി പൂർത്തിയാക്കി. അമ്മഞ്ചേരി സ്വദേശിനിയും നഴ്സിങ് വിദ്യാർഥിനിയുമായ അലീന മരിയ ജോസഫിനാണ് ശസ്ത്രക്രിയ പൂർത്തിയാക്കിയത്. കാർ അപകടത്തിൽ ഗുരുതരമായി പരിക്കേറ്റാണ് അലീനയെ ആശുപത്രിയിലെത്തിച്ചത്. വലതു തുടയെല്ലുകൾക്ക് ഗുരുതര പരിക്കും, ഇരുകാലുകളിലെയും പാദങ്ങളിലെയും മാംസ പേശികൾ എല്ലിൽനിന്നു വേർപെട്ടനിലയിലായിരുന്നു. വിവിധ ഘട്ടങ്ങളിലായി ഓർത്തോപീഡിക്, പ്ലാസ്റ്റിക് സർജറികൾ നടത്തി. തുടയെല്ലും പാദത്തിലെ ഒടിഞ്ഞ എല്ലുകളും കമ്പിയിട്ട് ഉറപ്പിച്ചു. ശേഷം നഷ്ടപ്പെട്ട ദശയും, മാംസവും ശരീരത്തിന്റെ വിവിധ ഭാഗങ്ങളിൽനിന്ന് എടുത്ത് പിടിപ്പിച്ച് ചികിത്സ പൂർത്തിയാക്കി. ഓർത്തോ വിഭാഗം മേധാവി ഡോ.വി.രാജേഷ്, ഡോ.ബാലവിഷ്ണു, പ്ലാസ്റ്റിക് സർജൻ ഡോ. ഡിമ്മി ഹാരോൾഡ്, അനസ്തെറ്റിസ്റ്റ് ഡോ. ജോൺ‌സൻ, ഡോ. സീന വി.ചെറിയാൻ എന്നിവരുടെ നേതൃത്വത്തിൽ നടന്ന ശസ്ത്രക്രിയയിൽ ടെക്നീഷ്യൻ അശ്വിൻ, ഒ.ടി ഇൻചാർജ് സുജ, സ്റ്റാഫുമാരായ വിൻസി, ഷാർലറ്റ്, സിജോ, വിദ്യ, നിസ എന്നിവർ പങ്കെടുത്തു.
സങ്കീർണ ശസ്ത്രക്രിയ വിജയകരമായി പൂർത്തിയാക്കി
1 min read
.jpg?$p=0addcd3&q=0.8&f=16x11&w=104)
.jpg?$p=08e4011&q=0.8&f=16x11&w=104)
.jpg?$p=c33b29b&q=0.8&f=16x11&w=104)
.jpg?$p=4037730&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..