കോട്ടയം : കോട്ടയം നഗരസഭയുടെ വടവാതൂരിലുള്ള ഡമ്പിങ്‌ യാർഡിൽനിന്നു മാലിന്യങ്ങൾ നീക്കംചെയ്യുന്ന ജോലികൾ ആരംഭിച്ചു. എം.സി.കെ. കുട്ടി എൻജിനിയറിങ് പ്രോജക്ട് ലിമിറ്റഡ് കമ്പനിയുടെ നേതൃത്വത്തിലാണ് മാലിന്യം നീക്കുന്നത്. രണ്ട് ദിവസം മുൻപ് ട്രയൽ റൺ ആരംഭിച്ചിരുന്നു. പ്ലാസ്റ്റിക്, ചെരിപ്പുകൾ, ടയറുകൾ, ഗ്ലാസ്‌ എന്നിങ്ങനെ 12 വിഭാഗങ്ങളായി മാലിന്യം തരംതിരിക്കുന്നതാണ് ആദ്യഘട്ടം. ഇതിൽ പുനർനിർമാണത്തിന് ഉപയോഗിക്കാൻ സാധിക്കാത്ത പ്ലാസ്റ്റിക് മാലിന്യം ട്രിച്ചിയിലുള്ള ഡാൽമിയ സിമെന്റ്‌സിന്റെ പ്ലാന്റിലെത്തിച്ച് സംസ്‌കരിക്കും.
പുനർനിർമാണത്തിന് ഉപയോഗിക്കാൻ കഴിയുന്നവ സൗജന്യമായി ആവശ്യമുള്ള കമ്പനികൾക്ക് നൽകും. ഓട്ടോമാറ്റിക് മെഷീനുകൾ ആണ് മാലിന്യം നീക്കംചെയ്യാൻ ഉപയോഗിക്കുന്നത്. പത്ത് ജോലിക്കാരും ഉണ്ട്. എട്ട് മുതൽ പതിനഞ്ച് ദിവസം കൊണ്ട് മാലിന്യം പൂർണമായും നീക്കംചെയ്യാൻ സാധിക്കുമെന്ന് സൈറ്റ് എൻജിനീയർ സി. അജയ് ആനന്ദ് പറഞ്ഞു. രണ്ട് ദിവസംകൊണ്ട് ആയിരം ക്യുബിക് മീറ്ററിനടുത്ത് മാലിന്യമാണ് തരംതിരിച്ചത്.
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..