പാമ്പാടി : പാമ്പാടി ഗ്രാമപ്പഞ്ചായത്തിന് 2023-24 വർഷത്തേക്ക് 28.74-കോടി രൂപയുടെ ബജറ്റ്. 28.74-കോടി രൂപ വരവും 27.43-കോടി രൂപ ചെലവും 1.30-കോടി രൂപ മിച്ചവും പ്രതീക്ഷിക്കുന്നു. പഞ്ചായത്ത് ബസ്‌സ്റ്റാൻഡ് ഷോപ്പിങ് കോംപ്ലക്സ് നിർമാണം, കാർഷിക വിപണനകേന്ദ്രത്തിന്റെ പൂർത്തീകരണം, മിനി സിവിൽ സ്റ്റേഷൻ അറ്റകുറ്റപ്പണി, കമ്യൂണിറ്റി ഹാൾ നവീകരണം തുടങ്ങിയ പദ്ധതികൾ ബജറ്റിൽ ഉൾപ്പെടുത്തി. ഭവനനിർമാണം, അങ്കണവാടികളുടെ പുനർനിർമാണം ഉൾപ്പെടെയുള്ള ക്ഷേമപ്രവർത്തനങ്ങൾ, എല്ലാവർക്കും കുടിവെള്ളം എന്നിവയ്ക്കും പ്രത്യേക ഊന്നൽ നൽകി. പശ്ചാത്തല മേഖലയിൽ റോഡുകളുടെ വികസനം, കെ.കെ. റോഡ് സൗന്ദര്യവത്കരണം, ആരോഗ്യ ശുചിത്വ മേഖലകളിൽ കാലോചിതമായ പദ്ധതികളും ഉൾപ്പെടുത്തി.
സംസ്ഥാന സർക്കാരിന്റെ മാലിന്യം വലിച്ചെറിയൽമുക്ത കേരളം പദ്ധതിയുടെ ഭാഗമായി പഞ്ചായത്തിലെ മാലിന്യംതള്ളുന്നയിടങ്ങളിൽ സി.സി. ടി.വി. ക്യാമറകൾ സ്ഥാപിക്കുവാനും തീരുമാനിച്ചിട്ടുണ്ട്‌. വൈസ് പ്രസിഡൻറ് പി. ഹരികുമാർ ബജറ്റ് അവതരിപ്പിച്ചു. ഗ്രാമപ്പഞ്ചായത്ത് പ്രസിഡന്റ് ഡാലി റോയി അധ്യക്ഷയായി.
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..