വൈദ്യുതി ലൈനിലേക്ക് ഒടിഞ്ഞുവീണ മരങ്ങൾ അഗ്നിരക്ഷാസേന മുറിച്ചുമാറ്റുന്നു
കടുത്തുരുത്തി : ശക്തമായ കാറ്റിലും മഴയിലും മരങ്ങൾ വൈദ്യുതി ലൈനിലേക്ക് വീണ്‌ ഗതാഗതവും വൈദ്യുതി വിതരണവും തടസ്സപ്പെട്ടു. 11 കെ.വി. വൈദ്യുതി ലൈനുകൾക്ക് മുകളിൽ വീണ മരങ്ങൾ റോഡിന് കുറുകെ കിടന്നതോടെ ഒന്നര മണിക്കൂറോളം ആയാംകുടി-ആപ്പാഞ്ചിറ റോഡിൽ ഗതാഗതം തടസ്സപ്പെട്ടു.
സംഭവസമയം റോഡിൽ കാൽനടയാത്രക്കാരോ വാഹനങ്ങളോ ഇല്ലാതിരുന്നതിനാൽ വൻ അപകടം ഒഴിവായി. ബുധനാഴ്ച വൈകീട്ട് നാലരയോടെയുണ്ടായ കാറ്റിലും മഴയിലും ആയാംകുടി-ആപ്പാഞ്ചിറ റോഡിലെ മുക്കം ഭാഗത്ത് റോഡരികിലെ പുരയിടത്തിൽനിന്ന ആഞ്ഞിലിയും റബ്ബർ മരവുമാണ് വട്ടം ഒടിഞ്ഞ് വൈദ്യുതി ലൈനിലേക്ക് വീണത്.
പഞ്ചായത്തംഗം നോബി മുണ്ടയ്ക്കൻ അറിയിച്ചതിനെ തുടർന്ന് കടുത്തുരുത്തിയിൽനിന്നെത്തിയ അഗ്നിരക്ഷാസേനയും നാട്ടുകാരും ചേർന്നാണ് മരങ്ങൾ മുറിച്ചുമാറ്റിയത്. പ്രദേശത്ത് മണിക്കൂറുകളോളം വൈദ്യുതിബന്ധവും നിലച്ചു.
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..