മടപ്പള്ളി ഗവ.ഹൈസ്കൂളിലെ കുട്ടികൾ അഭിനയിച്ച മടപ്പള്ളി യുണൈറ്റഡ് എന്ന സിനിമയുടെ ശില്പികൾക്ക് സ്കൂളിൽ നൽകിയ സ്വീകരണത്തിൽനിന്ന്
മടപ്പള്ളി : മടപ്പള്ളി ഗവ.ഹൈസ്കൂളിലെ കുട്ടികൾ അഭിനയിച്ച മടപ്പള്ളി യൂണൈറ്റെഡ് എന്ന സിനിമയുടെ ശില്പികൾക്ക് സ്കൂളിൽ സ്വീകരണം നൽകി.
സംവിധായകൻ അജയ് ഗോവിന്ദ്, പ്രശസ്ത കെനിയൻ ക്രിക്കറ്റർ ആസിഫ് കരിം, സിനിമയിൽ അഭിനയിച്ച സ്കൂളിലെ കുട്ടികൾ എന്നിവർക്കായിരുന്നു സ്വീകരണം. പ്രധാനാധ്യാപകൻ എൻ.പി. രാജീവൻ അധ്യക്ഷതവഹിച്ചു. മടപ്പള്ളി സ്കൂളും സമീപപ്രദേശങ്ങളും പശ്ചാത്തലമാക്കി എടുത്ത ചിത്രത്തിലെ കുട്ടികൾ മുൻപരിചയം ഇല്ലാതിരുന്നിട്ടും മികച്ച അഭിനയം കാഴ്ചവെച്ചതായി സംവിധായകൻ അജയ് ഗോവിന്ദ് പറഞ്ഞു. ആൺകുട്ടികൾക്കും പെൺകുട്ടികൾക്കും സ്പോർട്‌സിൽ തുല്യപ്രാധാന്യം കൊടുത്ത ഈ സിനിമയുടെ ആശയം മികച്ചതായിരുന്നുവെന്ന് കെനിയൻ ക്രിക്കറ്റർ ആസിഫ് കരീം അഭിപ്രായപ്പെട്ടു. ടി.എം. അശോകൻ, എം. മുസ്‌തഫ എന്നിവർ സംസാരിച്ചു. പരിപാടിയുടെ അവസാനം സിനിമയുടെ പ്രസക്തഭാഗങ്ങൾ കാണിച്ചുകൊണ്ടുള്ള വീഡിയോ പ്രദർശിപ്പിച്ചു.
.jpg?$p=430c1f1&q=0.8&f=16x11&w=104)
.jpg?$p=a5c8c8b&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..