നാദാപുരം : പൊതുജനാരോഗ്യമേഖലയ്ക്ക് 2.10 കോടിരൂപ വകയിരുത്തി തൂണേരി ബ്ലോക്ക് പഞ്ചായത്ത് ബജറ്റ്. തൊഴിലവസരങ്ങൾ സൃഷ്ടിച്ചുകൊണ്ടുള്ള ദാരിദ്ര്യലഘൂകരണത്തിന് തുക വകയിരുത്തി. ബജറ്റ് ബ്ലോക്ക് വൈസ് പ്രസിഡന്റ് ടി.കെ. അരവിന്ദാക്ഷൻ അവതരിപ്പിച്ചു.
കുട്ടികളുടെ ശുചിത്വബോധം വളർത്താൻ ‘എന്റെ വീട്, എന്റെ വിദ്യാലയം, എന്റെ നാട്’ പദ്ധതിക്കായി പതിനൊന്നരലക്ഷം, ശുചിത്വമേഖലയുടെ ‘ഏഴഴക് പദ്ധതിക്ക്’ 11 ലക്ഷം, മാലിന്യസംസ്കരണത്തിന് 50 ലക്ഷം, കാർഷികോത്പാദനമേഖലയ്ക്ക് 78 ലക്ഷം, പാർപ്പിടമേഖലയ്ക്ക് 75 ലക്ഷം, പട്ടികജാതി-പട്ടികവർഗത്തിന്റെ സമഗ്രവികസനത്തിനായി 32 ലക്ഷം, ചെറുകിടവ്യവസായമേഖലയ്ക്ക് 45 ലക്ഷം എന്നിങ്ങനെ വകയിരുത്തി.
ബ്ലോക്ക് പ്രസിഡന്റ് കെ.പി. വനജ അധ്യക്ഷനായി. ഗ്രാമപ്പഞ്ചായത്ത് പ്രസിഡന്റുമാരായ കെ.പി. പ്രദീഷ്, നസീമ കൊട്ടാരത്തിൽ, ജോതി ലക്ഷ്മി, എൻ. പത്മിനി, ബ്ലോക്ക് സ്ഥിരംസമിതി അധ്യക്ഷരായ കെ.കെ. ഇന്ദിര, രജീന്ദ്രൻ കപ്പള്ളി, ബിന്ദു പുതിയോട്ടിൽ, എ. സജീവൻ, സെക്രട്ടറി ദേവിക രാജ് എന്നിവർ സംസാരിച്ചു.
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..