കക്കട്ടിൽ : വട്ടോളി നാഷണൽ ഹയർ സെക്കൻഡറി സ്കൂൾ സൊസൈറ്റി ഭരണസമിതിയിലേക്കുള്ള തിരഞ്ഞെടുപ്പ് ഞായറാഴ്ച കുറ്റ്യാടി പഞ്ചായത്ത് കമ്യൂണിറ്റിഹാളിൽ നടക്കും. കോൺഗ്രസ് നേതാക്കൾ ഉൾപ്പെട്ട നിലവിലുള്ള ഭരണസമിതി നേതൃത്വം നൽകുന്ന പതിനൊന്നംഗ പാനലും, കോൺഗ്രസ് പ്രവർത്തകർ ഉൾപ്പെട്ട ഏഴംഗപാനലും തമ്മിലാണ് പ്രധാനമത്സരം.
സ്കൂളിന്റെഭരണം നടത്തിക്കൊണ്ടിരിക്കുന്ന ആളുകൾ സ്കൂളിന്റെ അടിസ്ഥാന വികസന കാര്യത്തിൽ ഒന്നും ചെയ്യുന്നില്ലെന്ന് സ്ഥാനാർഥികളായ വി.എം. കുഞ്ഞിക്കണ്ണൻ, ബാബുരഘുരാജ് കുറുങ്ങോട്ട്, കെ.പി. കരുണൻ, അരവിന്ദാക്ഷൻ കോവുക്കുന്ന്, സി.പി. ഗോപാലൻ ചമ്പിലോറ, സൈഫ് തൈക്കണ്ടി, കെ.പി. ഷൈമ എന്നിവർ പത്രസമ്മേളനത്തിൽ പറഞ്ഞു.
അടിസ്ഥാന സൗകര്യങ്ങൾ സമീപത്തെ മറ്റുവിദ്യാലയങ്ങളിൽനിന്ന് വിഭിന്നമായി ഏറ്റവും മാതൃകാപരമായതാണെന്ന് നിലവിലുള്ള ഭരണസമിതിയുടെ പാനലിൽ ഉൾപ്പെട്ട വി.എം. ചന്ദ്രൻ, കെ.പി. രാജൻ, അരയില്ലത്ത് രവി, വി.കെ. മുഹമ്മദലി, കെ. സുരേഷ്, പി. പി. അശോകൻ, പി.പി. പ്രദീപ്കുമാർ എന്നിവർ പത്രസമ്മേളനത്തിൽ പറഞ്ഞു.
ഈ രണ്ടുപാനലിന് പുറമേ ബി.ജെ.പി. നേതാവ് എം.പി. രാജനും, കെ .അനിലും മത്സരിക്കുന്നുണ്ട്. പതിനൊന്നംഗ ഭരണസമിതിയിലേക്ക് 20 സ്ഥാനാർഥികളാണ് മത്സരരംഗത്തുള്ളത്.
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..