Caption
കൊയിലാണ്ടി : എസ്.എസ്.എൽ.സി. പരീക്ഷയിൽ കൊയിലാണ്ടി മേഖലയിലെ വിദ്യാലയങ്ങൾക്ക് നൂറുശതമാനം ജയം. പന്തലായനി ഗവ. ഹയർ സെക്കൻഡറി സ്കൂളിൽ പരീക്ഷയെഴുതിയ 363 പേരും വിജയിച്ചു. ഇതിൽ 97 പേർക്ക് മുഴുവൻ വിഷയത്തിലും എ-പ്ലസ് ലഭിച്ചു.കൊയിലാണ്ടി ഗവ. വൊക്കേഷണൽ ഹയർ സെക്കൻഡറി സ്കൂളിനും നൂറുശതമാനമാണ് വിജയം 510 കുട്ടികൾ പരീക്ഷയെഴുതിയതിൽ 85 പേർക്ക് ഫുൾ എ-പ്ലസ് ലഭിച്ചു.
തിരുവങ്ങൂർ ഹയർ സെക്കൻഡറി സ്കൂളിലും നൂറുശതമാനമാണ് വിജയം. പരീക്ഷയെഴുതിയ 640 പേരിൽ 142 പേർക്ക് മുഴുവൻ വിഷയത്തിലും എ-പ്ലസ് ലഭിച്ചു. പൊയിൽക്കാവ് എച്ച്.എസ്.എസിൽ 322 പേരാണ് പരീക്ഷയെഴുതിയത്. ഇതിൽ 62 പേർക്ക് മുഴുവൻ എപ്ലസ് ലഭിച്ചു. നൂറുശതമാനമാണ് ഇവിടെയും വിജയം.
നടുവണ്ണൂർ ജി.എച്ച്.എസ്.എസ്നടുവണ്ണൂർ : നടുവണ്ണൂർ ഗവ. ഹയർസെക്കൻഡറി സ്കൂളിൽ എസ്.എസ്.എൽ.സി. പരീക്ഷയെഴുതിയ 569 പേരും വിജയിച്ചു. 158 വിദ്യാർഥികൾ മുഴുവൻവിഷയത്തിലും എ പ്ലസ് നേടി. പ്രധാനാധ്യാപകൻ മുനാസ്, ഡെപ്യൂട്ടി പ്രധാനാധ്യാപിക റീനാകുമാരി, പി.ടി.എ. പ്രസിഡന്റ് കെ.പി. സത്യൻ, പി.ടി.എ. വൈസ് പ്രസിഡന്റ് കെ.ടി.കെ. റഷീദ് എന്നിവരുടെ നേതൃത്വത്തിൽ നടത്തിയ പനോത്സവത്തിലൂടെയാണ് മികച്ചനേട്ടം കൈവരിച്ചത്.
പേരാമ്പ്ര ഹയർസെക്കൻഡറി സ്കൂൾ പേരാമ്പ്ര : എസ്.എസ്.എൽ.സി. പരീക്ഷയ്ക്ക് ഇത്തവണ 484 കുട്ടികൾ പരീക്ഷയെഴുതിയ പേരാമ്പ്ര ഹയർസെക്കൻഡറി സ്കൂളിൽ 483 വിദ്യാർഥികൾ വിജയിച്ചു.
ഇതിൽ 158 കുട്ടികൾ എ പ്ലസ് നേടി. കുട്ടികളുടെ ഉന്നതവിജയം ലക്ഷ്യമിട്ട്‌ നടപ്പാക്കിയ വിജയോത്സവം പദ്ധതിയാണ്‌ ഈ മികച്ചനേട്ടത്തിനു കാരണമെന്ന്‌ പ്രധാനാധ്യപകൻ പി. സുനിൽകുമാറും വിജയോത്സവം കൺവീനർ വി.ബി. രാജേഷും പറഞ്ഞു.
വാകയാട് എച്ച്.എസ്.എസ്.നടുവണ്ണൂർ : വാകയാട് ഹയർസെക്കൻഡറി സ്കൂളിൽ നൂറുശതമാനം വിജയം. 11 വിദ്യാർഥികൾ മുഴുവൻ വിഷയത്തിലും എ പ്ലസ് നേടി. 95 വിദ്യാർഥികളാണ് ഇത്തവണ പരീക്ഷയെഴുതിയത്.
പ്രധാനാധ്യാപിക ടി. ബീന വിജയികൾക്ക് മധുരംനൽകി. പ്രിൻസിപ്പൽ ഡോ. പി. ആബിദ, കെ.സി. പ്രസി, സ്കൂൾ മാനേജർ ഒ.എം. കൃഷ്ണകുമാർ, യു.എസ്. രത്തീഷ്, പി.ടി.എ. പ്രസിഡന്റ് സി.കെ. പ്രദീപൻ, വൈസ് പ്രസിഡന്റ് ബിയേഷ് തിരുവോട് എന്നിവർ വിജയികളെ അനുമോദിച്ചു.
വടക്കുമ്പാട് ഹയർസെക്കൻഡറി സ്കൂൾപേരാമ്പ്ര : വടക്കുമ്പാട് ഹയർസെക്കൻഡറി സ്കൂളിൽ ഇത്തവണയും 100 ശതമാനം വിജയം. പരീക്ഷയെഴുതിയ 365 പേരും വിജയിച്ചു.
65 പേർ ഫുൾ എ പ്ലസ് നേടി.
അവിടനല്ലൂർ എച്ച്.എസ്.എസ്നടുവണ്ണൂർ : അവിടനല്ലൂർ എൻ.എൻ. കക്കാട് സ്മാരക ഹയർസെക്കൻഡറി സ്കൂളിൽ എസ്.എസ്.എൽ.സി. പരീക്ഷയെഴുതിയ മുഴുവൻ വിദ്യാർഥികളും വിജിയിച്ചു. 191 പേരാണ് വിജയിച്ചത്. 38 പേർ മുഴുവൻ വിഷയത്തിലും എ പ്ലസ് നേടി. ഉന്നതവിജയം നേടാനുള്ള പ്രവർത്തനം ജൂൺമാസം മുതൽ തുടങ്ങിയിരുന്നു. പ്രധാനാധ്യാപകൻ ടി. ദേവാനന്ദൻ, പി.ടി.എ. പ്രസിഡന്റ് ഷാജി തച്ചയിൽ എന്നിവരുടെ നേതൃത്വത്തിലാണ് പഠനോത്സവം നടത്തിയത്.
മത്സരയോട്ടം: ബസ് ഡ്രൈവർമാരുടെ പേരിൽ കേസെടുത്തു
നടുവണ്ണൂർ : മത്സരയോട്ടംനടത്തി പരസ്പരംകൂട്ടിയിടിച്ച് അപകടം വരുത്തിയ രണ്ട് സ്വകാര്യബസ് ഡ്രൈവർമാർക്കെതിരേ ബാലുശ്ശേരി പോലീസ് കേസെടുത്തു.
കോഴിക്കോട്-കുറ്റ്യാടി റൂട്ടിലോടുന്ന ബി.ടി.സി., കാളിന്ദി എന്നീ ബസ് ഡ്രൈവർമാരുടെ പേരിലാണ് കേസ്. യാത്രക്കാരൻ നടുവണ്ണൂരിലെ കിഴക്കേടത്ത് എം.ആർ. അശ്വന്തിന്റെ പരാതിയിലാണ് കേസെടുത്തത്.
ഡ്രൈവർമാർനടത്തിയ മത്സരയോട്ടത്തിന്റെഫലമായി 18-ന് വൈകീട്ട് 6.40-ന് നടുവണ്ണൂരിൽ പരസ്പരംകൂട്ടിയിടിച്ച് അപകടമുണ്ടാക്കിയതായി പരാതിയിൽ പറഞ്ഞു.
അപ്ഡേറ്റായിരിക്കാം, വാട്സാപ്പ്
ചാനൽ ഫോളോ ചെയ്യൂ
അപ്ഡേറ്റുകൾ വേഗത്തിലറിയാൻ ഫോളോ ചെയ്തശേഷം നോട്ടിഫിക്കേഷൻ ഓൺ ചെയ്യൂ
RELATED STORIES
.jpg?$p=79c0b37&f=1x1&w=100&q=0.8)
.jpg?$p=79c0b37&q=0.8&f=16x11&w=104)
.jpg?$p=430c1f1&q=0.8&f=16x11&w=104)
.jpg?$p=246738b&q=0.8&f=16x11&w=104)
%20(1).jpg?$p=54ec429&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..