കൊയിലാണ്ടി : സന്നദ്ധസംഘടനയായ തണൽ, കൊയിലാണ്ടിയിലെ ലൈഫ് ഫൗണ്ടേഷനുമായി ചേർന്ന് ആരംഭിക്കുന്ന സ്നേഹഭവനത്തിന്റെ ശിലാസ്ഥാപനം 28-ന്‌ ഞായറാഴ്ച രാവിലെ നടക്കും. വിവിധമേഖലകളിൽ പ്രശസ്തരായ എട്ട് ഭിന്നശേഷിസഹോദരങ്ങൾ ചേർന്നാണ് രണ്ടര ഏക്കർ ഭൂമിയിൽ പന്ത്രണ്ടുകോടി രൂപ ചെലവിൽ നിർമിക്കുന്ന കെട്ടിടത്തിന്റെ ശിലാസ്ഥാപനം നിർവഹിക്കുക. കെ. മുരളീധരൻ എം.പി. സമ്മേളനം ഉദ്ഘാടനംചെയ്യും.
കാനത്തിൽ ജമീല എം.എൽ.എ., നഗരസഭാ അധ്യക്ഷ സുധാ കിഴക്കേപ്പാട്ട്, ജില്ലാപഞ്ചായത്ത് ഉപാധ്യക്ഷൻ എം.പി. ശിവാനന്ദൻ, ബ്ലോക്ക് പഞ്ചായത്ത് അധ്യക്ഷൻമാരായ പി. ബാബുരാജ്, സുരേഷ് ചങ്ങാടത്ത് തുടങ്ങിയവർ പങ്കെടുക്കും.
എഴുത്തുകാരൻ കൽപ്പറ്റ നാരായണൻ സ്നേഹഭാഷണം നടത്തും. സ്ഥാപനത്തിൽ അഗതിമന്ദിരം, നട്ടെല്ലിന് ക്ഷതമേറ്റ കിടപ്പുരോഗികളുടെ ചികിത്സാകേന്ദ്രം തുടങ്ങിയവയാണ് ഉൾപ്പെടുകയെന്ന് ഭാരവാഹികൾ അറിയിച്ചു.
പത്രസമ്മേളനത്തിൽ വി.കെ. ഹാരിഫ്, അഹമ്മദ് ടോപ്ഫോം, അൻസാർ കൊല്ലം, സി. സത്യചന്ദ്രൻ, കെ.ടി. മുഹമ്മദ് ഹാഷിം, കെ.കെ. ഷൈജു, കെ. അബ്ദുറഹിമാൻ എന്നിവർ പങ്കെടുത്തു.
.jpg?$p=061f60f&q=0.8&f=16x11&w=104)
.jpg?$p=b4048c4&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..