മലപ്പുറം : ടൂത്ത്‌പേസ്റ്റിന് എം.ആർ.പി.യേക്കാൾ അധികവില ഈടാക്കിയതിന് 10,000 രൂപ പിഴനൽകാൻ ജില്ലാ ഉപഭോക്തൃ കമ്മിഷന്റെ വിധി. മഞ്ചേരി അരുകിഴായ സ്വദേശി നിർമൽ നൽകിയ പരാതിയിലാണ് നടപടി.
സെപ്റ്റംബർ 23-നാണ് പരാതിക്കാരൻ മഞ്ചേരിയിലെ സൂപ്പർമാർക്കറ്റിൽനിന്ന് ടൂത്ത്പേസ്റ്റ് വാങ്ങിയത്. എം.ആർ.പി. 164 രൂപയായിരുന്നെങ്കിലും 170 രൂപയാണ് ഈടാക്കിയത്. പരാതിപ്പെട്ടപ്പോൾ മറ്റെവിടെനിന്നെങ്കിലും സാധനം വാങ്ങിക്കോളൂവെന്നായിരുന്നു പ്രതികരണം. ഇതേത്തുടർന്നാണ് ഉപഭോക്തൃ കമ്മിഷനിൽ പരാതി നൽകിയത്.
പരാതിക്കാരൻ ഹാജരാക്കിയത് സൂപ്പർ മാർക്കറ്റിൽനിന്നു നൽകിയ സാധനമല്ലെന്നും കടയുടമയെ അപകീർത്തിപ്പെടുത്താൻ വ്യാജ പരാതി നൽകിയതാണെന്നുമാണ് എതിർകക്ഷി ബോധിപ്പിച്ചത്.
എന്നാൽ ഉപഭോക്താക്കൾക്ക് സേവനംനൽകുന്ന കാര്യത്തിൽ ജീവനക്കാർക്ക് കൂടുതൽ പരിശീലനം നൽകണമെന്നും അധികവില ഈടാക്കിയത് തിരിച്ചുനൽകണമെന്നും കമ്മിഷൻ നിർദേശിച്ചു. കൂടാതെ 10,000 രൂപ നഷ്‌ടപരിഹാരവും വിധിച്ചു. കെ. മോഹൻദാസ് പ്രസിഡന്റും പ്രീതി ശിവരാമൻ, സി.വി. മുഹമ്മദ് ഇസ്‌മായിൽ എന്നിവർ അംഗങ്ങളുമായ ജില്ലാ ഉപഭോക്തൃ കമ്മിഷനാണ് വിധി പ്രസ്താവിച്ചത്.
അപ്ഡേറ്റായിരിക്കാം, വാട്സാപ്പ്
ചാനൽ ഫോളോ ചെയ്യൂ
അപ്ഡേറ്റുകൾ വേഗത്തിലറിയാൻ ഫോളോ ചെയ്തശേഷം നോട്ടിഫിക്കേഷൻ ഓൺ ചെയ്യൂ
RELATED STORIES
.jpg?$p=430c1f1&q=0.8&f=16x11&w=104)
.jpg?$p=8c943a9&q=0.8&f=16x11&w=104)
%20(1).jpg?$p=54ec429&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..