• കുടുംബശ്രീ സംഘടിപ്പിച്ച ‘ഹൃദ്യ’ പദ്ധതി ശില്പശാലയുടെ സദസ്സ്
മലപ്പുറം : കുടുംബശ്രീ ജില്ലാമിഷൻ നടപ്പാക്കുന്ന 'ഹൃദ്യ' പദ്ധതിയുടെ ഭാഗമായി ശില്പശാല സംഘടിപ്പിച്ചു. പാലിയേറ്റീവ് പരിചരണരീതി ഓരോ കുടുംബശ്രീ അംഗങ്ങളിലും എത്തിക്കുക എന്ന ലക്ഷ്യത്തോടെ കുടുംബശ്രീ ജില്ലാ മിഷനും മലപ്പുറം പാലിയേറ്റീവ് കെയറും ചേർന്ന്് നടപ്പാക്കുന്ന പദ്ധതിയാണ് ‘ഹൃദ്യ’.
സി.ഡി.എസ്. ചെയർപേഴ്‌സൺ, സാമൂഹിക വികസന ഉപസമിതി കൺവീനർ, കമ്യൂണിറ്റി കൗൺസിലർമാർ, ബ്ലോക്ക് കോ-ഓർഡിനേറ്റർമാർ, സ്‌നേഹിത പ്രവർത്തകർ എന്നിവർക്കായാണ് ശില്പശാല സംഘടിപ്പിച്ചത്. ഓരോ വീട്ടിലും ശാസ്ത്രീയമായി സാന്ത്വനപരിചരണം നൽകത്തക്ക വിധത്തിലുള്ള ഒരാളെ വാർത്തെടുക്കുക, അതിലൂടെ കിടപ്പുരോഗികളായർക്ക് മാനസികവും ശാരീരികവുമായ പിന്തുണ നൽകുക എന്നതാണു ലക്ഷ്യം.
ആദ്യഘട്ടത്തിൽ സി.ഡി.എസുകളിലെ തിരഞ്ഞെടുക്കപ്പെട്ട മൂന്ന് ആർ.പി.മാർക്ക് പരിശീലനം നൽകും. കൂടാതെ രണ്ടുമാസത്തിൽ പൂർത്തീകരിക്കുന്ന സർട്ടിഫൈഡ് കോഴ്‌സും പദ്ധതിയുടെ ഭാഗമായി നൽകുന്നു. സംസ്ഥാനത്ത് ആദ്യമായാണ് പാലിയേറ്റീവ് കെയർ കുടുംബശ്രീയുമായി സംയോജിച്ച് ജില്ല മുഴുവൻ സാന്ത്വനപരിചരണ പരിശീലനം നടപ്പാക്കുന്നത്.
കുടുംബശ്രീ ജില്ലാമിഷൻ കോ-ഓർഡിനേറ്റർ ജാഫർ കെ. കക്കൂത്ത് പദ്ധതി വിശദീകരണം നടത്തി. പ്രോഗ്രാം മാനേജർ റൂബി, പാലിയേറ്റീവ് കെയർ പ്രതിനിധികളായ അബ്ദുൽകരീം, സാലിഹ്, ജില്ലാ പ്രോഗ്രാം മാനേജർ ഹസ്‌കർ, അഭിജിത്ത്, പരിരക്ഷ കോ-ഓർഡിനേറ്റർ ഫൈസൽ എന്നിവർ പങ്കെടുത്തു.
.jpg?$p=061f60f&q=0.8&f=16x11&w=104)
.jpg?$p=b4048c4&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..