മലപ്പുറം : പെൺകുട്ടികൾക്ക് സമഗ്രമേഖലയിലും മുന്നേറ്റത്തിന് പ്രത്യേക പദ്ധതിയൊരുക്കി എം.എസ്.എഫിന്റെ വിദ്യാർഥിനി വിഭാഗമായ ഹരിത.
വ്യത്യസ്ത ലക്ഷ്യങ്ങളുള്ള 'സ്‌മൈൽ' പദ്ധതി ഇതിനായി തയ്യാറായെന്ന് സംസ്ഥാന ഭാരവാഹികൾ വാർത്താസമ്മേളനത്തിൽ അറിയിച്ചു.
പെൺകുട്ടികളുടെ മാനസികാരോഗ്യ സംരക്ഷണത്തിനുള്ള 'ലിസണിങ് ഹബ്ബ്' ആണ് ഒന്ന്. മാനസികപ്രശ്‌നങ്ങൾക്കു പരിഹാരംതേടി ഏതുസമയത്തും വിദഗ്ധരെ സമീപിക്കാനുള്ള സൗകര്യം ഇതുവഴി ലഭ്യമാണ്.
ആയോധനകലാപരിശീലനം നൽകുന്ന 'ഷീ ഫെൻസ്', സംരംഭകരാക്കി സാമ്പത്തിക സ്വാശ്രയത്വം നൽകുന്നതിനുള്ള 'സ്‌മൈൽ ഫെംപ്രെൻസർ', ആശയവിനിമയശേഷി വർധിപ്പിക്കാനുള്ള 'സ്‌പീക്ക് വിത്ത് നോ ഫിയർ', തുടങ്ങിയവയാണ് മറ്റു പദ്ധതികൾ.
മുസ്‌ലിംലീഗ് സംസ്ഥാന ജനറൽസെക്രട്ടറി പി.എം.എ. സലാം, യൂത്ത്‌ലീഗ് സംസ്ഥാന പ്രസിഡന്റ് മുനവറലി ശിഹാബ് തങ്ങൾ, എം.എൽ.എ.മാർ, മറ്റു നേതാക്കൾ എന്നിവർ വിവിധ സെഷനുകളിൽ പങ്കെടുക്കുമെന്ന് സംഘാടകർ പറഞ്ഞു.
വാർത്താസമ്മേളനത്തിൽ ഹരിത സംസ്ഥാന പ്രസിഡന്റ് പി.എച്ച്. അയിഷാബാനു, ജനറൽസെക്രട്ടറി ഉമൈസ റഫീഖ്, സെക്രട്ടറി ഫിദ അഷ്‌റഫ്, വൈസ് പ്രസിഡന്റ് അയിഷ മറിയം എന്നിവർ പങ്കെടുത്തു.
വാഫി വഫിയ പ്രശ്‌നം: നിലപാട് പാർട്ടിയെ അറിയിച്ചു
വളാഞ്ചേരി മർക്കസ് കോളേജിലെ വാഫി വഫിയ വിദ്യാർഥിനികളുടെ പ്രശ്‌നത്തിൽ തങ്ങളുടെ നിലപാട് മുസ്‌ലിംലീഗിനെ അറിയിച്ചതായി ഹരിത നേതാക്കൾ. തങ്ങൾക്ക് ഈ വിഷയത്തിൽ കൃത്യമായ നിലപാടുണ്ട്. അത് നേതാക്കളുമായി പങ്കുവെച്ചിട്ടുണ്ട്. പരസ്യമായി ഈ വിഷയത്തിൽ പ്രതികരിക്കാനില്ലെന്നും അവർ പറഞ്ഞു.
അപ്ഡേറ്റായിരിക്കാം, വാട്സാപ്പ്
ചാനൽ ഫോളോ ചെയ്യൂ
അപ്ഡേറ്റുകൾ വേഗത്തിലറിയാൻ ഫോളോ ചെയ്തശേഷം നോട്ടിഫിക്കേഷൻ ഓൺ ചെയ്യൂ
RELATED STORIES
.jpg?$p=dc2227d&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..