.jpg?$p=0be286a&f=16x10&w=852&q=0.8)
Representative Image | Photo: Gettyimages.in
മലപ്പുറം: മൂക്കിലെ ദശ മാറ്റാൻ ശസ്ത്രക്രിയയ്ക്ക് വിധേയമായ ആറുവയസ്സുകാരിയുടെ പല്ലിളക്കി പറിച്ചെന്ന് പരാതി. സ്വകാര്യ മെഡിക്കൽ കോളേജ് ആശുപത്രിക്കെതിരേയാണ് കുട്ടിയുടെ രക്ഷിതാവ് പെരിന്തൽമണ്ണ ഡിവൈ.എസ്.പി.ക്കും ചൈൽഡ് ലൈനിലും പരാതി നൽകിയത്.
മൂക്കിലെ ദശ ശസ്ത്രക്രിയ ചെയ്യുന്നതിനായി കുട്ടിയെ ആശുപത്രിയിൽ പ്രവേശിപ്പിച്ചതായിരുന്നു. ഇ.എൻ.ടി. വിഭാഗത്തിൽ ശസ്ത്രക്രിയ നടത്തി. എന്നാൽ ഐ.സി.യു.വിൽനിന്ന് കുട്ടിയെ വാർഡിലേക്ക് മാറ്റിയപ്പോഴാണ് മുൻഭാഗത്ത് മുകളിൽ രണ്ട് പല്ലുകൾ നഷ്ടപ്പെട്ടതായി കണ്ടത്.
പല്ലുകൾ നീക്കുന്ന കാര്യം അറിയിച്ചിട്ടില്ലെന്നും പരാതിയിൽ പറയുന്നു.
കാരണക്കാരായ ഡോക്ടർക്കും ആശുപത്രിക്കുമെതിരേ നടപടി ആവശ്യപ്പെട്ടാണ് രക്ഷിതാവ് പോലീസിൽ പരാതി നൽകിയത്.
പരാതിയിൽ ചൈൽഡ് ലൈൻ ശനിയാഴ്ച ജില്ലാ മെഡിക്കൽ ഓഫീസർക്ക് റിപ്പോർട്ട് കൈമാറും.
Content Highlights: malappuram surgery teeth removed nose treatment
RELATED STORIES
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..